सुखड/ कैलालीको घोडाघोडी नगरपालिका-१ मा रहेको घोडाघोडी अस्पताल प्रालीले दुईवटा क्लवलाइ फुटवल जर्सी प्रदान गरेको छ ।
आज फरकफरक अनौपचारिक कार्यक्रमका बिच अस्पतालका अध्यक्ष चिरन जोशी लगायतको टोलीले घोडाघोडी नगरपालिका-१० पहलमानपुरमा रहेको सहारा युवा क्लव र गौरिगंगा नगरपालिका -९ शंकरपुरमा रहेको मसुरिया फुटवल एकेडमीलाइ १/१ सेट जर्सी प्रदान गरेको हो।
अस्पतालको तर्फबाट फुटबल क्लवहरुलाइ जर्सी प्रदानगरिसके पछि अस्पतालका अध्यक्ष चिरन जोशिले आफुहरु समाजका हरेक क्षेत्रमा युवाहरुको सक्रियता तथा सफलताका लागि सारथि बन्ने बताए ।
अस्पतालले खेलाडीहरुलो हौसला वृद्धिका लागि जर्सी प्रदान गरेकोमा सहरा युवा क्लबका अध्यक्ष निर्मल मिश्रले धन्यवाद ब्यक्त गरे । त्यस्तै स्वास्थ क्षेत्रमा आफ्नो बेग्लै पहिचान स्थापित गरेको अस्पतालबाट प्राप्त सहयोग निकै महत्त्वपूर्ण रहेको मसुरिया फुटबल एकेडमीका प्रशिक्षक तथा सचिब मिलन ओलिको धारणा छ ।
