टीकापुर/ केैलालीका ४९ वर्षीय कल्लाने सुनार शुक्रबार बिहान खक्काैला नाकामा भेटिनुभयाे । उहाँको थकित ज्यानसंगै अनुहार पनि मलिन थियो । भारतको लखनउ गन्तव्य स्थान बनाउनुभएका सुनार पीडामा भएको पुष्टि अनुहार हेरेरै गर्न सकिन्थ्यो ।
दशै मनाउन घर फर्केका सुनारले दुई साता मात्रै घर बस्न पाउनुभयाे ‘चाडपर्वको समयमा पीडा बोकेर परेली भिजाउँदै परदेश पस्नु पर्ने बाध्यता छ,’ उहाँले भन्नुभयाे, ‘चाडबाडको समयमा रमाउने रहर कसलाई हुँदैन र ? तर बाध्यताले बुढेसकालमा पनि गाउँमा तिहार मनाउन नपाइने भयो।’ त्यस्तै दशै मनाउन अछामका कमल बिक पनि घर फर्कनुभएकाे थियाे । घर निर्माणको काम गर्दै आएका उहाँलाई पनि तिहार सम्म नै बस्ने रहर थियो। तर दशैमा ल्याएको खर्च सकिएपछि फेरि उनी तिहार मान्न छाडेर भारत नै फर्किरहनुभएकाे थिए।
‘दशेै त जेनतेन मनाइयो अब तिहार कसरी मनाउने,’ उहाँले भन्नुभयाे, ‘गरिवका लागि के दशेै के तिहार। भारत गन्तव्य बनान हाम्रो बाध्यता नै हो।’
यसरी दैनिक रुपमा हजारौं नेपालीहरु आफ्नो घर खर्च चलाउन भारतका विभिन्न ठाउँमा जान बाध्य छन् ।
