जमुना न्युरे,धनगढी/सुदुरपश्चिम प्रदेशका कर्मचारी हरुले आफ्ना विभिन्न माग राख्दै प्रधानमन्त्री लाई २१ बुदे सहित ज्ञापन पत्र बुझाए ।
सुदूरपश्चिम प्रदेश स्थित कर्मचारीहरुका विभिन्न सघंसगठनहरुले सयुक्त रुपमा सुदूरपश्चिम प्रदेशका मुख्य सचिब नारायण प्रसाद शर्मा दुवाडी मार्फत प्रधानमन्त्री पुस्पकमल दाहाल प्रचण्डलाई बुधबार ज्ञापन पत्र बुझाएका हुन ।
नेपाल निजामती कर्मचारी युनियनका केन्द्रिय उपाध्यक्ष तथा प्रदेश अध्यक्ष धर्म देउवाले सघिय निजामती ऎन मस्यौदा सार्बजनिक गर्न लगायतका २१बुदे सुझाव सहित प्रधानमन्त्रीलाई ज्ञापन बुझायको बताए ।
नेपाल सरकारले सरोकारवाला पक्षसँग छलफलनै नगरी संघीय निजामती सेवा ऐनको विधेयक अर्थ मन्त्रालय र कानून, न्याय तथा संसदीय मामिला मन्त्रालयमा पठाएको जानकारीमा आएकोले यो विषयमा राष्ट्रियस्तरका ट्रेड युनियनहरुले ज्ञापन पत्र बुझाएको उनले बताए ।
निजामती कर्मचारीका सघं सगठनहरुले
तपसिलमा उल्लेखित सुझावहरुलाई समेटी मिति २०८० बैशाख १८ गते भित्र संघीय निजामती सेवा ऐनको मस्यौदा सार्वजनिक गर्न संयुक्त ट्रेड युनियनको तर्फबाट नेपाल सरकार समक्ष जोडदार माग राखेका छ्न ।
