कैलालीको धनगढीमा उद्घोषण कला सम्बन्धित चार दिने तालिम सम्पन्न भएको छ। जागृति फाउन्डेसनको कार्यालय तारानगरको आयोजना मा धनगढी कैलालीमा तालिमको सञ्चालन भएको थियो ।
कार्तिक ७ गतेबाट सुरु भएको तालिम १० गतेसम्म सञ्चालन भएको हो । कार्यक्रमको मुख्य प्रशिक्षकका रूपमा दुर्गाराज पाण्डे रहनुभएको थियो। समापन कार्यक्रममा बोल्दै मुख्य प्रशिक्षक पाण्डेले चार दिनको उद्घोषण कला तालिमले सहभागीहरूमा भाषण कला र व्यक्तित्व विकासमा सकारात्मक परिवर्तन आएको बताउनुभयो।
चार दिने प्रशिक्षण प्राप्त भइसकेपछि आफूहरूको क्षमता अभिवृद्धि भएको सहभागीहरूको प्रतिक्रिया रहेको छ। जागृति फाउन्डेसनका सदस्य पदमराज भट्टको अध्यक्षतामा सम्पन्न भएको कार्यक्रमको सहजीकरण धनीराम नेपालीले गर्नुभएको थियो।
