धनगढी, १८ मंसिर / सुदूरपश्चिम सरकारका उद्योग पर्यटन वन तथा वातावरण मन्त्री लक्ष्मण किशोर चौधरी मन्त्रालय ले दियको आवास गृहमा नबसेरै आफ्नो घर टीकापुरबाट ओहोर दोहोर गर्दै आउनु भएको छ । मन्त्रालयको क्वाटरमा नबसेर दैनिक १ सय १० किलो मिटरको दुरीमा यात्रा गरेर मन्त्रालयमा आइरहेका उनका स्वकीय सचिव नविन थापाले जानकारी दिए ।
मन्त्री निवास (क्वार्टर )व्यवस्थित नहुँदा राता कमिलाले बस्न गाह्रो भएको छ,’ मन्त्री चौधरीले भने,‘क्वार्टर मर्मत सम्भारका लागि भनेको छु ।’ आफू दसैँपछि क्वाटरमा नबसेको उनले बताए । उनले भने,‘कमिलाकै डरले म त्यहाँ बस्न सकिनँ, त्यसैले टीकापुर घरबाटै मन्त्रालय आउजाउ गर्छु ।’
यता उनका प्रमुख स्वकीय सचिव नवीन थापा मन्त्रीको स्वास्थ्यलाई ध्यानमा राख्दै घरबाटै आउजाउ गरिरहेको बताए । ‘केही दिन पहिला मन्त्री चौधरीले राता कमिलाले सताउने गरेको बताए पनि उहाँको स्वास्थ्यलाई मध्यनजर गर्दै घरबाटै आउजाउ गर्नुहुन्छ,’ उनले भने,‘उहाँको घर कर्णाली नदी नजिकै भएकाले कर्णाली नदीको माछा पनि खान पाइने र त्यसले स्वास्थ्यलाई पनि फाइदा हुने भएकाले टीकापुरबाटै मन्त्रालय आउजाउ गर्ने बताए ।’
स्वकीय सचिव थापाका अनुसार मन्त्री चौधरीको मिर्गौलामा समस्या छ । मन्त्री चौधरी नियमित डायलाइसिस गर्छन् । माछा खाँदा स्वास्थ्य राम्रो हुने भएकाले पनि मन्त्री चौधरी टीकापुर नै आउजाउ गरिरहनु भएको कुरा उनका प्रमुख स्वकीय सचिव थापाले बताए ।
मन्त्रीलाई मन्त्रालयको क्वाटरमा बस्न असहजता हुने र किट्नीका बिरामी समेत भएकाले दैनिक आफ्नै घरमा जाने गरेको स्वकिय सचिव थापाले बताए ।
मन्त्री चौधरीले क्वाटर भएर पनि क्वाटरमा नबसेर दैनिक टीकापुरबाट ओहोर दोहोर गर्दा फजुलमा इन्धन खर्च उनले मन्त्रालय दिने इन्धन खर्चले नपुगेर उनी कहिले डिभिजन वन कार्यलय त कहिले सब डिभिजन वन कार्यलय तेलको कुपन माग्न पुग्ने गरेका छन् ।
इन्धन खर्च भैरहेको भनि आम नागरिकले आलोचना समेत गरिरहेका छन् ।
