जमुना न्युरे,चौमला/गौरीगंगा नगर स्तरीय मेलमिलाप केन्द्र समिती गठन गरिएको छ। गौरीगंगा नगर उप-प्रमुख तथा न्यायीक समिती प्रमुख भोज बहादुर बम ज्यु को सभापतित्वमा सम्पन्न उक्त कार्यक्रममा प्रमुख प्रशासकीय अधिकृत धर्मराज बिनाडी भएको भेलाले नगर स्तरिय मेलमिलाप केन्द्र संयोजकमा पुनः हेमन्त राज जोशी (बाजे) लाई सर्बसम्मत चयन गरेको छ।
गौरीगंगा नगरपालिकामा १ देखि ११ वटा वडाका सुचिकृत ४९ जना मेलमिलापकर्ता रहेका छन। बिबादको साटो,मेलमिलापको बाटो भन्ने मुल नारा लिइ आगामी दिनहरुमा न्यायिक समिती सँग सहकार्य गर्दै अघि बढने र समुदायमा भएका बिबादहरु न्युनिकरणका लागि प्रयत्नशील रहने संयोजक हेमन्त राज जोशी(बाजे) ले बताउनु भएको छ। र गौरीगंगा वडा नं- १संयोजक सुमन सिलाधर,२ जानकी बिक,३ सिद्ध कँडेल,४ बिस्णुमाया जोशी,५ पदम नेपाली,६ लक्ष्मि बोगटी कुँवर,७ रेखा चौधरी ,८ पार्बती ऐर,९ पहरी देबि चौधरी,१० रुपा बि.क. चयन हुनु भएको छ।
सो कार्यक्रममा न्यायिक समिती सदस्य जानकी बोहरा,मदन नेपाली,महिला बिकास साखा प्रमुख भावना जोशी लगायत वडाका मेलमिलापकर्ता हरुको उपस्थिति रहेको थियो। सो कार्यक्रमको संचालन कानुन अधिकृत जयन्द्र ठक्कुलाले गर्नु भएको थियो।
