लबदेव धामी,धनगढी / कैलाली जिल्लामा धान खेती उत्पादनमा वृद्धि भएको छ । गत बर्षको तुलनामा ६ हजार ५ सय मेट्रिक टनले वृद्धि भएको कृषि ज्ञान केन्द्र कैलालीका निमित्त प्रमुख हरि प्रसाद पनेरुले बताए ।
कैलाली जिल्ला भरीमा धान खेती हुने गरेको जमिन ६ हजार ५ सय हेक्टर क्षेत्रफल रहेको छ । जस्मा यस बर्ष धान उत्पादकत्व प्रति हेक्टर ४ दशमलव ८ मेट्रिक टन रहेको निमित्त प्रमुख पनेरुले सुदूरपत्र अनलाइनलाई जानकारी दिए ।
गत बर्ष ३ लाख ५ हजार ५ सय मेट्रिक टन उत्पादन भएको धान यस बर्ष बढेर ३ लाख १२ हजार मेट्रिक टन उत्पादन भएको पनेरुले बताए ।
यस्तै यस आर्थिक बर्ष २०८०/०८१ मा अन्य कृषि सम्बन्धि अनुदान , मल , बिउका लागि कृषि ज्ञान केन्द्र लागि परेको र यस बर्ष पनि कृषकहरुका लागि विभिन्न सेवा सुविधा रहेको समेत पनेरु जानकारी दिए । गहुँको विउ ७० देखि ७५ हेक्टरमा उत्पादन रहेको , ५० हेक्टरमा आलु, २० हेक्टरमा तोरी र १० हेक्टरमा मसुरोको बिउ समेत यस ज्ञान केन्द्रको मताहतमा उत्पादन भैरहेको बताए ।
यस्तै च्याउ खेतीमा , सुन्तला खेतीमा , बसन्ते मकै खेतीमा , ब्यबसायीक फलफूल खेतीमा समेत यो बर्ष काम गरिने जानकारी दिए ।
