सुखड /कैलाली घोडाघोडी नगरपालिका–१ सुखड रङ्गशालामा जारी जिल्ला लिग फुटबल प्रतियोगितामा आज आठौँ दिनमा बिहान र दिउँसो गरी दुई वटा ‘ए’ डिभिजनका खेल र एक वटा क्वालिफायर्स खेल भएको छ ।
बिहान भएको ‘ए’ डिभिजनको पहिलो खेल हिमालय युवा क्लब भजनी र विजय स्पोर्ट्स क्लब धनगढी बिच भएको थियो । निर्धारित सयमा हिमालय युवा क्लब भजनीको १ गोल र विजय स्पोर्ट्स क्लब धनगढीको १ गोल भएको थियो । दुई टिमको गोल बराबर भए पछि हिमालय युवा क्लब भजनी र विजय स्पोर्ट्स क्लब धनगढीले एक एक अङ्क बाँडेका छन् । उक्त खेलको म्यान अफ द म्याच भने हिमालय युवा क्लब भजनीका तिलक ठकुल्ला घोषित भएका थिए ।
त्यसै गरी दिउँसो सम्पन्न भएको दोस्रो क्वालिफायर्स खेल सैपाल युवा क्लब गोदावरी र टेक बहादुर चोखाल प्रतिष्ठान धनगढी बिच भएको थियो । जसमा सैपाल युवा क्लब गोदावरीले ३ गोल प्रहार गर्दे टेक बहादुर चोखाल प्रतिष्ठान धनगढीलाई हराएको थियो । निर्धारित खेल समयमा टेक बहादुर चोखाल प्रतिष्ठान धनगढीले गोल फर्काउन सकेन । खेल हारे सँगै टेक बहादुर चोखाल प्रतिष्ठान धनगढी बाहिरिएको छ भने सैपाल युवा क्लब गोदावरी फाईनलमा प्रवेश गरेको छ । उक्त खेलको म्यान अफ द म्याच सैपाल युवा क्लब गोदावरीका खेलाडी प्रदीप चन्द घोषित भए ।
ब्म्म्
आजै भएको दिउँसो तेस्रो ‘ए’ डिभिजनको खेल घोडाघोडी क्लब घोडाघोडी र मनकामना युवा क्लब धनगढी बिच भएको थियो । जसमा घोडाघोडी क्लब घोडाघोडीले १ गोल प्रहार गर्दे मनकामना युवा क्लब धनगढी लाई हराएको थियो । निर्धारित खेल समयमा मनकामना युवा क्लब धनगढीले गोल फर्काउन सकेन । घोडाघोडी क्लब घोडाघोडी र मनकामना युवा क्लब धनगढी बिच निकै प्रतिस्पर्धात्मक खेल भएको थियो । सो खेलमा मनकामना युवा क्लब धनगढीका जर्सी नम्बर २ का खेलाडी सन्दीप गुरुङले रेड कार्ड पाएका थिए । उक्त खेलको म्यान अफ द म्याच घोडाघोडी क्लब घोडाघोडीका खेलाडी शिशिर केसी घोषित भएका थिए ।
वैशाख २८ गते देखी सुरु भएको जिल्ला लिग ज्येष्ठ १२ गते सम्म सञ्चालन हुने छ । कैलाली जिल्ला लिग फुटबल सङ्घको आयोजना र घोडाघोडी क्लबको स्थानीय आयोजनामा हुने प्रतियोगिता सुखड रङ्गशालामा सञ्चालन भइरहेको छ । प्रतियोगितामा जिल्लाका ए डिभिजनका ७, बी डिभिजनका ६ र क्वालिफायर्सका ७ टिम गरी २० टिमको सहभागी रहेको छ । ए डिभिजन लिगको विजेता क्लबले ७५ हजार र दोस्रो हुने क्लबले ३७ हजार ५ सय पुरस्कार पाउने छन् । त्यस्तै बी डिभिजनको प्रथम हुने टिमले ५० हजार तथा दोस्रो हुने टिमले २५ हजार पुरस्कार पाउने छन् ।
