सुखड,जमुना न्युरे/डिभिजन वन कार्यालय पहलमानपुर र डिभिजन वन कार्यलय धनगढीले विभिन्न जातका ५ लाख ९० हजार ३सय २५ बिरुवा उत्पादन गरेको छ।
रुख रोपेर हरियाली बढाउने उद्देश्यले उत्पादन गरिएका यी बिरुवा नि:शुल्क वितरण तथा वनजङ्गल क्षेत्रमा रोपण गर्न प्रयोग गरिने जनाइएको छ ।
डिभिजन वन कार्यालय पहलमानपुरका योजना शाखाका प्रमुख दिपेन्द्र के .सि काअनुसार टिक, सिसौ , अमला, गुलमोहर, अर्जुन, इपिलिपि , बकाइन, हरो , बरो, लिप्टिस , बेत बास,बेल ,बबुल ,कान्जिगुलाफ ,सितलचिनी ,सिमल ,बास, लगायत प्रजातिका बिरुवा उत्पादन गरिएको हो ।
डिभिजन वन कार्यलय पहलमानपुरमा यो कार्यक्रम एकीकृत भु – परिधी ब्यबस्थापन कार्यक्रम (इलम ) , डिभिजन वन कार्यलय पहलमानपुरको बार्सिक कार्यक्रम अनुसार गरिएको छ ,भने डिभिजन वन कार्यलय धनगढीमा बाह्रावन साझेदारी बन , भारताल साझेदारी वनको र धनगढी डिभिजन वनको बार्सिक कार्यक्रम अन्तर्गत गरियको छ्।
यी दुबै डिभिजन वन कार्यलयको उदेश्य कार्यक्रम जैविक विविधता सरक्षंण , जलवायु परिवर्तन अनुकूल , वन अतिक्रमण नियन्त्रण कार्यक्रम अन्तर्गत रहेको कार्यक्रम हो ।
स्थानीय नगरपालिका, गाउँपालिका तथा वन क्षेत्रलाई हराभरा , वन अतिक्रमण नियन्त्रण गर्न र वातावरणमैत्री बनाउन यस वर्ष पनि कार्यालयले लाखौ बिरुवा उत्पादन गरेको धनगढी डिभिजन वन कार्यलय धनगढी योजना अधिकृत समीर थापाले बताए ।
उनले भने, “स्थानीय बासिन्दालाई नि:शुल्क वितरण तथा वनजङ्गल क्षेत्रमा रोप्नका लागि यी बिरुवा तयार गरिएको हो ।”
उत्पादित बिरुवा डिभिजन वन कार्यालय पहलमानपुर , डिभिजन वन कार्यलय धनगढी र क्षेत्रीय वन निर्देशनालयबाट निरीक्षण तथा पास भएपछि मात्र सम्बन्धित पालिकामार्फत वितरण गरियको थियो । बाँकी रहेका बिरुवा भने प्रत्यक्ष रूपमा वनजङ्गल क्षेत्रमा वृक्षारोपण गरियको डिभिजन वन कार्यलय पहलमानपुरका प्रमुख डिभिजनल वरिष्ठ वन अधिकृत रामचन्द्र कडेलले जानकारी दिए ।
जैविक विविधता र सिमसारको सरक्षण गर्न यो घोडाघोडी ताल , पुरैना ताल , जाखोर ताल , विभिन्न सामुदायिक वनमा समेत बृक्षारोपण गरियको छ।
वन कार्यालयले हरेक वर्ष यस्ता बिरुवा उत्पादन गरी नि:शुल्क वितरण गर्दै आएको छ । वातावरण संरक्षण र जैविक विविधता बढाउने उद्देश्यले यस्ता कार्यक्रमले महत्त्वपूर्ण योगदान पुर्याउँदै आएको वन कार्यालयको भनाइ छ ।
