धनगढी, १३ पौष /सुदूरपश्चिम लोक सांस्कृतिक समाज फूलवारीको आयोजनामा खुल्ला डेउडा प्रतियोगिता हुने भएको छ । सुदूरपश्चिमका नौ वटै जिल्लाका र कर्णाली प्रदेशका टिम सहित सहभागी हुन पाउने गरी प्रतियागिता आयोजना गरिएको आयोजकले बताए ।
सुदूरपश्चिमको भाषा, कला , संस्कृतिको जगेर्ना गर्ने उद्देश्का साथ डेउडा प्रतियोगिता आयोजना गरिन लागेको सुदूरपश्चिम लोक सांस्कृतिक समाजका अध्यक्ष तिलक बहादुर ओलीले बताए ।
प्रतियागिताको प्रथम पुरस्कार नगद ४० हजार, द्वितीय पुरस्कार नगद २५ हजार , र तृतीय पुरस्कार नगद १० हजार सहित प्रमाणपत्र रहेका सुदूरपश्चिम लोक सांस्कृतिक समाजका अध्यक्ष ओलीले बताए ।
डेउडा प्रतियोगितामा सहभागी हुने समूहलाई रु १ हजार दर्ता शुल्क रहेको आयोजकले बताए । डेउडा समुह पुस १३ देखि २४ गते बेलुकी सम्म दर्ता गर्न सकिने अध्यक्ष ओलीले बताए ।
