धनगढी/सुदूर पश्चिम प्रदेश सरकारले जाजरकोट र रुकुममा भूकम्पमा परी घाईते भएकोहरुको उपचारका लागि एक करोड रुपैया सहयोग गर्ने निर्णय गरेको छ ।
आज बसेको सुदूर पश्चिम प्रदेश सरकारको मन्त्रि परिषदको बैठकले घाईतेहरुको उपचार तथा, भूकम्पबाट प्रभावित भएकाहरुको सहयोगका लागि एक करोड रुपैया सहयोग गर्ने निर्णय गरेको हो ।
सुदूर पश्चिम प्रदेश सरकारले कर्णाली प्रदेश जाजरकोट जिल्लाको बारेकोट गाँउपालिका- १ रामीडाँडा केन्द्रविन्दु भएर शुक्रवार राति गएको भूकम्पमा परी जाजरकोट र रुकु लगायतका जिल्लामा भएको मानवीय तथा भौतिक क्षति प्रति दुःख व्यक्त गरेको छ ।
मुख्यमन्त्री कमल बहादुर शाहले आज बिहान आयोजित पत्रकार सम्मेलनमा घाईते तथा भूकम्प प्रभावितहरुको उपचारका लागि एक करोड रुपैया सहयोग गर्ने र घाईतेहरुको उपचारका लागि स्वास्थ्य सामग्री सहित २० जना स्वास्थ्यकर्मीको टोली पठाउने जानकारी दिए ।
मुख्यमन्त्री शाहले अनुसार स्वास्थ्य टोली आजै भूकम्प प्रभावित क्षेत्रमा जाने जानकारी दिए ।
मुख्यमन्त्री शाहले नलगाड नगरपालिकाकी उपमेयर सरिता सिंह सहित भूकम्पमा परी दिवंगत भएकाहरुप्रति समवेदना व्यक्त गर्दै घाईतेहरुको शिघ्र स्वास्थ्य लाभको कामना गरे ।
भूकम्पबाट प्रभावितहरुलाई सुरक्षित स्थलमा स्थानान्तरण गर्न र भूकम्पमा परी पुरिएकाहरुको खोजी तथा घाईतेहरुको उपचार कार्यमा लाग्न सुदूर पश्चिम प्रदेश सरकार अन्तर्गतका स्थानीय तह, सुरक्षा निकाय तथा बिभिन्न संघसंस्था र नागरिक समाजसंग मुख्यमन्त्री शाहले आग्रह गरे
