टीकापुर/ कैलाली टीकापुर नगरपालिकामा बडघर सम्मेलन हुने भएको छ । भाेलि असाेज २३ गते शनिवार टीकापुरमा वडघर सम्मेलन हुने भएको हाे ।
टीकापुर नगरपालिका वडा नं. १ ब्लक नम्बर १८ स्थित टीकापुर याेगाश्रममा हुने वडघर सम्मेलनमा टीकापुर क्षेत्रका सम्पूर्ण वडघरहरुकाे उपस्थिति हुने वडघर/ भलमन्सा मुल समितिका संयाेजक रामलाल डगाैरा थारुले सत्ती कर्णाली न्युज डटकमलाइ बताउनुभयाे ।
संयाेजक थारुले वडघर/भलमन्सा प्रणालीलाइ संरक्षण गरि दिगाे रुपमा निरन्तरता दिन र वडघर प्रथालाइ संस्थागत विकास गर्न सम्मेलन गरिन लागेको बताउनुभयो । 
थारुले सम्मेलनबाट नगर स्तरिय बडघर/ भलमन्सा समिति गठन हुने बताउनुभयो । वडा नम्बर ७ का वडा अध्यक्ष समेत रहनुभएका थारुले सम्मेलनबाट बडघर/ भलमन्सा सन्चालन हुने नीति तयार पारि टीकापुर नगरपालिकाबाट पारित गरिने समेत जानकारि दिनुभयाे ।
उहाँले याे सम्मेलन बडघर तथा चिराकिहरुकाे हकहित, संरक्षण तथा कानुनि मान्यताका साथ उनिहरुकाे संस्थागत विकासको लागि गर्न लागिएको बताउनु भयाे ।
