धनगढी,/श्री केदार भागेश्वर बरालगाउँ समाजको “भित्ते पात्रो-२०८१” को विमोचन गरिएको छ । समाजका ज्येष्ठ नागरिकद्वय निर्मलादेवी जोशी र भागरथीदेवी जोशीले संयुक्तरुपमा भित्ते पात्रो विमोचन गरेका हुन् ।
समाजका अध्यक्ष चेतराज जोशीको अध्यक्षतामा भएको कार्यक्रममा समाजसेवी उपेन्द्रराज जोशीले समाजले प्रकाशन गरेको भित्ते पात्रोमा आफ्नै मोलिकता रहेको बताए । उनले भने,’समाज प्रचार प्रसारका लागि भित्ते पात्रो उपयुक्त माध्यम हो ।’ कार्यक्रममा सल्लाहकारद्वय करुणाकर जोशी, प्रेमराज जोशी, समाजसेवी डम्मरनाथ जोशी, गोरबहादुर विक लगायतले शुभकामना मन्तव्य राखेका थिए ।
कार्यक्रम समाजका सल्लाहकार तथा समाजसेवी विजयराज जोशीको निवासमा गरिएको थियो । समाजले विगतदेखि डोटीको बरालगाउँ पुर्ख्यौली घर भइ हाल धनगढी, अत्तरिया, चौमाला, मसुरिया, कैलारी, जोशीपुरमा बसोबास गर्दै आएकाहरुलाई संगठित गर्दै आइरहेको छ ।
