धनसरा बुढा,
टीकापुर/नागरिक उन्मुक्ति पार्टीको वडा नं. २ काे प्रथम वडा भेला तथा वडा समिति गठन गरिएको छ ।
बुधबार कैलालीको टीकापुर नगरपालिका वडा नं. २ मा नागरिक उन्मुक्ति पार्टीकाे प्रथम वडा भेला तथा वडा समिति गठन कार्य सुरु गरिएको हाे ।
समाजसेवी विश्राम चाैधरीकाे अध्यक्षतामा भएको वडा भेला तथा वडा कमिटी गठन कार्यक्रममा केन्द्रीय सदस्य तथा वडा नं. ७ का वडा अध्यक्ष रामलाल डगाैरा थारु, केन्द्रीय सदस्य तथा वडा नं. ४ का वडा अध्यक्ष लालविर चाैधरी,केन्द्रीय सदस्य तथा कार्यपालिका सदस्य रमेश वि.क., पार्टीका नेता टीकाराम चाैधरी र समाजसेवी छेदुलाल चाैधरी लगायतले शुभकामना मन्तव्य राख्नुभएको थियाे ।
राजेश चौधरीकाे संयाेजकत्वमा २५ सदस्यीय वडा समिति गठन भएको छ । जसकाे सह- संयाेजकमा राम प्रसाद चाैधरी, काेषाध्यक्षमा रत्ना थारु, सचिवमा देवेन्द्र चाैधरी वि.क. र सह-सचिवमा विजय चाैधरी चयन हुनुभएको छ ।
केन्द्रीय सदस्य तथा वडा नं. ७ का वडा अध्यक्ष रामलाल डगाैरा थारु प्रमुख अतिथि रहनु भएको थियाे भने समाजसेवी राजेश चाैधरीले स्वागत गर्नुभएको कार्यक्रम संचालन केन्द्रीय सदस्य बलविर थारुले गर्नुभएको थियाे । पछिल्लो पटक नागरिक उन्मुक्ति पार्टीले विभिन्न वडामा आफ्नो संगठन विस्तार गरिरहेको छ ।
नागरिक उन्मुक्ति पार्टी दर्ता भइ संगठन विस्तार गर्न लागे संगै कैलाली लगायतका धेरै जसाे जिल्लामा बेग्लै किसिमको राजनीतिक तरंग फैलिरहेको बताइएको छ ।
