कैलालीको घोडाघोडी नगरपालिकामा गोहीको उद्धार गरिएको छ । घोडाघोडी १ स्थित सानो ओजुवा तालबाट गाउँ तर्फको कुलामा आएको बयस्क गोहीको वन कर्मचारी र स्थानीयले आज बिहान उद्धार गरेका हुन । उद्धार गरिएको गोही घोडाघोडी तालमा छोडेको डिभिजन वन कार्यालय पहलमानपुरका वन अधिकृत विश्वराज पण्डितले जानकारी दिए ।
सन २००३ मा घोडाघोडी ताललाई विश्व रामसार क्षेत्रमा सूचीकृत गरिएको छ । रामसार क्षेत्रमा सूचीकृत गर्ने सूचक प्रजाति मध्य मगर गोही पनि एक हो । मगर गोही सँगै जङ्गली धान,हरिहाँस घोडाघोडीका सूचक प्रजाति हुन ।
मगरगोहि बर्षातको समयमा घोडाघोडी तालमा पानी बढि हुने गर्दा आहार खोज्न गोहि गाउँ गाउमा पुग्ने गर्दछ । घोडाघोडी तालका साहयक तालहरुमा पनि व्यावसायिक माछा पालन गर्ने हुदा घोडाघोडी तालमा गोहि को सन्ख्या बढि भएकाले आहारा खोज्नका लागि गाउँ सम्म पुग्ने गरेको चरा सरक्षण नेटवर्क कैलाली अध्यक्ष दयाराम चौधरीले बताए ।
