मोहित श्रीपाइली/काठमाण्डौमा कृष्ण जन्माष्टमी पर्व मनाउन विभिन्न समिती गठन गरिएकोे छ । भदौ २० गते परेको कृष्णजन्माष्टमी पर्वलाई साँस्कृतिक रुपमा भव्य र सभ्य रुपमा मनाउनका लागि किरण चौधरीको संयोजकत्वमा २० सदस्यीय मुल आयोजक तयारी समिती गठन गरिएको छ ।
यस्तै आर्थिक व्यवस्थापन समितीको जिम्मेवारी बर्दियाली थारु विकास मञ्च, साँस्कृतिक व्यवस्थापन समितिको जिम्मेवारी चम्पन साँस्कृतिक समुह, अष्टमी हस्तकला चित्र बनाउन प्रकृति चौधरीको संयोजकत्वको समिति, पुजा सामग्री व्यवस्थापनको लागि न्यौछार थारु महिला समुह, हल व्यवस्थापन समितीको जिम्मवारीमा अग्रासन थारु महिला समुह, मञ्च तथा ब्यानर व्यवस्थापन समितिमा सस्तो बजार डटकमलाई, आनपिन व्यवस्थापनमा न्यौछार समुह, प्रचारप्रसार समितिमा इन्डिजेनियस टेलिभिजन, स्वयम्सेवक परिचालन तथा फोहोर व्यवस्थापनका समितिको संयोजकमा प्रताप पलपरियो रहनु भएको छ ।
मिन राज चौधरीको संयोजकत्वमा ३ सदस्यीय सल्लाहाकार समिति,कृष्ण राज सर्वहारिको संयोजकत्वमा लेखन समिती, शुसेलिज कलेक्सनको संयोजकत्वमा अतिथी सत्कार समिती सर्वसम्वत रुपमा गठन भएको छ ।
अग्रासन थारु महिला समुहको आयोजनामा विभिन्न थारु सम्वद्ध संघसंस्थाको समन्वय र सहकार्यमा कृष्णजन्माष्टमी पर्व मनाइने भएको छ । विगतका वर्षमा पनि काठमाण्डौमा कृष्णाजन्माष्मी पर्व मनाइदै आएको छ ।
