भजनी/ नेकपा माओवादी केन्द्रका अध्यक्ष पुष्पकमल दाहाल प्रचण्डले सुकुम्बासी र अव्यवस्थित बसोवासीहरुलाइ आफ्नो पालामा लालपुर्जा वितरण गर्ने बताउनु भएको छ ।
कैलालीको भजनी नगरपालिकाको नव निर्मित भवनको बुधबार उदघाटन गर्दै प्रचण्डले सुकुम्बासी र अव्यवस्थित बसोवासीहरुलाइ लालपुर्जा दिने काम थालिसकिएको बताउदै उहाँले भन्नुभयाे ‘हामी गरिब ,भूमिहीन सुकुम्बासीको दीगो रूपमा समस्या समाधानको लागि लागि लागिपरेका छाै आउने चुनावसम्म देशभरका सुकुम्वासीलाई लालपूर्जा दिइनेछाै । उहाँले नेकपा माओवादी केन्द्रका अध्यक्ष पुष्पकमल दाहाल प्रचण्डले तीन वटै तहको निर्वाचनसम्म ५ दलीय गठबन्धन कायम रहने बताउनुभयाे ।
नेपाली काँग्रेसका केही नेताले ‘महाधिवेशनमा भोट पाउन मात्रै गठबन्ध हुँदैन’ भन्ने गरे पनि आन्तरिक रुपमा सबैले गठबन्धन चाहेको उहाँले बताउनुभयो । ‘भित्री रुपमा गठबन्धन नगरी हुँदैन भन्ने नेताले पनि राम्ररी बुझेका छन्, त्यसैले तीनै तहको निर्वाचन सम्म गठबन्धन हुन्छ’ उहाले भन्नुभयो , ‘त्यसका लागि अहिले सबै दलबीच राम्रो समझ्दारी बनेको छ।’ पाँच दलीय गठबन्धनलाई थप बलियो बनाउन राजनीतिक संयन्त्र बनेको भन्दै प्रचण्डले राष्ट्रिय सभाको रिक्त पदमा पाँच दलीय गठबन्धनले तालमेल गर्ने पनि बताउनुभयो ।
नेपाली जनताको लामो संघर्ष र बलिदानले देशमा लोकतान्त्रिक गणतन्त्र स्थापित भएको बताउँदै उनले जनताको अधिकार, संविधान र न्याय खोस्न खोज्नेविरुद्ध फेरि अर्को लडाइ लड्नुपरे पनि आफू तयार रहेको बताउनुभयाे। जनताको संघर्ष र बलिदानले स्थापित लोकतान्त्रिक गणतन्त्र ,जनताको शिक्षा, स्वास्थ्य, रोजगार र भौतिक पूर्वाधारको विकासदेखि बेखुसी देखिएका केही तत्वहरु सडकमा उफ्रिदैमा जनताको शासन व्यवस्था खोस्नसक्ने अवस्था नरहेको उहाको भनाइ थियो ।
