सिएमसीको आयोजनामा २ दिने तालिम शुरु

शेयेर गर्नुहोस

सुखड/कोअपरेटिभ म्यानेजर्स क्लब (सिएमसी) कैलालीको आयोजनामा कैलालीको सुखडमा २ दिने ‘अभिलेख व्यवस्थापन’ तालिम शुरु भएको छ ।

तालिमको नेपाल बचत तथा ऋण केन्द्रिय सहकारी संघ लि.(नेफ्स्कुन)का सञ्चालक माधव प्रसाद जोशीले उद्दघाटन गर्नुभएको छ । सिएमसी कैलालीका अध्यक्ष छबिलाल जैशीको सभा पतित्वमा भएको तालिम उद्दघाटन कार्यक्रममा प्रमुख अतिथि रहनुभएको जोशीले सिएमसी कैलालीले स्थापनाकालदेखि सहकारी अभियानलाई अगाडि बढाउन उल्लेख्य योगदान दिइरहेको चर्चा गर्नुभयो ।

‘सहकारी संस्थामा कार्यरत व्यवस्थापक साथिहरु आवद्ध संस्था भएकोले यसले समग्र सहकारी अभियानका समस्यालाई राम्रोसँग बुझेर अगाडि बढिरहेको छ । त्यसैले क्लबले पक्कैपनि कैलालीको मात्र नभएर समग्र देशकै सहकारी अभियानलाई टेवा पुर्‍याउनेमा विश्वास गर्न सकिन्छ ।’–जोशीले भन्नुभयो । नेफ्स्कुनले स्थानिय पालिकाहरुसँगको सम्झौतामा आधारशिला कार्यक्रम मार्फत सहकारी क्षेत्रलाई सुधार गर्ने योजना अगाडि बढाएको समेत उहाँले जानकारी दिनुभयो ।

सिएमसी कैलालीका उपाध्यक्ष लालबहादुर भण्डारीले स्वागत मन्तव्य राख्नुभएको कार्यक्रम क्लबका सचिव नरेन्द्र टमट्टाले संचालन गर्नुभएको थियो । कार्यक्रममा मन्तव्य राख्दै घोडाघोडी नगरपालिका सहकारी शाखा प्रमुख हेमाकान्त सुवेदीले घोडाघोडी नगरपालिका क्षेत्रमा रहेका सहकारी संस्थाहरुलाई राम्रो बनाउनको लागि आफ्नो तर्फबाट पुरा प्रयास गरिरहेको बताउनुभयो ।

उहाँले नेफ्स्कुनले संचालनमा ल्याएको आधारशिला कार्यक्रमलाई घोडाघोडी नगरपालिकामा लागु गर्न समेत आफ्नो तर्फबाट पहल गर्ने बताउनुभएको छ । तालिममा कैलाली जिल्लाका २२ सहकारीका व्यवस्थापक तथा सहायक तहका कर्मचारीहरुको सहभागिता रहेको छ ।

शुक्रबार समापन हुने उक्त तालिममा पहिलो दिन प्रशिक्षकहरु लालबहादुर भण्डारी, नवराज न्यौपाने र विष्णु प्रसाद जोशीले सहजिकरण गर्नुभएको थियो । सिएमसी कैलालीले विशेष गरेर कैलाली जिल्लामा सहकारी शिक्षा तथा कर्मचारी तथा संचालकहरुका लागि आवश्यक विषयगत तालिमहरु संचालन गर्ने मुख्य उदेश्य रहेको सिएमसी कैलालीका अध्यक्ष जैशीले जानकारी दिनुभयो ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

समाचार

स्थानीय तहमा काम गरेपछि मात्र कर्मचारीको बढुवा हुने

टीकापुर/ प्रदेश र स्थानीय तहमा एक कार्यकाल अर्थात् कम्तीमा दुई वर्ष सेवा गरेपछि मात्र कर्मचारीको बढुवा हुने भएको छ। सरकारले कर्मचारी समायोजन सम्पन्न गरे पनि प्रदेश

अझै पढ्नुहोस्
समाचार

नेपाल रेडक्रस नारायणपुर उप शाखाकाे सभापतिमा काेइराला निर्विरोध चयन

टीकापुर/नेपाल रेडक्रस साेसाइटी नारायणपुर उप शाखाकाे २९ ओै अधिवेशनबाट सभापतिमा धनसरी कुमारी काेइराला निर्विरोध चयन हुनुभएको छ । त्यस्तै उप सभापतिमा भारती देवि वि.क., सचिवमा

अझै पढ्नुहोस्
Highlights

भट्ट र गोगा जासुसका बिरुद्ध धनगढीका वडा अध्यक्ष प्रशासनमा

धनगढी, /सामाजिक सञ्जालमा तथानाम लेखेको भन्दै धनगढीका ब्यावसायी मदन भट्ट र तेज खड्का ‘गोगाजासुस” का बिरुद्ध धनगढीका वडा अध्यक्ष जिल्ला प्रशासन कार्यालय कैलाली पुगेका छन्

अझै पढ्नुहोस्
अर्थ

धनसिंहपुर कृषि सहकारी संस्थाले साडे छ लाख नाफा कमाउन सफल

माेहित श्रीपाइली,टीकापुर /धनसिंहपुर कृषि सहकारी संस्थाले आर्थिक वर्ष २०७७/०७८ मा साडे छ लाख नाफा कमाउन सफल भएको छ । शुक्रबार धनसिंहपुर कृषि सहकारी संस्थाको छैटौं

अझै पढ्नुहोस्