जमुना न्युरे,टीकापुर/कैलाली जिल्लाको टिकापुर नगरपालिका वडा २मा रहेको जनशक्ति सामुदायिक वन उपभोक्ता समूहको बिच धना जङ्गलमा बयस्क पोथी पाटे बाघ मृत अवस्थामा फेला परेको छ ।
सामुदायिक वनको बिचमा घना जङ्गलमा मृत अवस्थामा फेला पोथी पाटेबाघको अगाडि भागको शरीर चोट देखा परेको छ ।
मृत पाटेबाघ १सय ८० केजि तौल लम्बाइ १०३ इन्च , चौडाई ४० इन्च र गोलाइ ५८ इन्च रहेको सब डिभिजन वन कार्यलय टिकापुरका प्रमुख दिलिप यादवले जानकारी दिए ।
बर्दिया राष्ट्रिय निकुञ्ज बाट सामुदायिक वनमा आहारबिहारको लागि आयको पोथी बाघ जङ्गलको बिच भागमा मरेको हुदा बाघ गहनाय पछि मात्र थाहा भएको हो ।
पोथी बाघ रहेकाले भाले बाघ सङ्ग बिचरणको समयमा झगडाका कारण भालेको आक्रमण बाट मरेको हुन सक्ने प्रारम्भिक अनुमान गरियको यादवले बताए ।
अहिले मृत बाघको पोस्टमार्टका ,घट्नाको थप अनुसन्धान का लागि बर्दिया राष्ट्रिय निकुञ्ज बाट डा . आयुश महर्जन लगायत को प्राबिधिक टिम, सब डिभिजन वन कार्यलय टिकापुर टोलि घटनास्थल पुगेको छ ।
सबडिभिजन वन कार्यलय टिकापुर को टोलि घटनास्थल पुगेको छ , टोलिले घटनाको थप अनुसन्धान गरिने बाघको विभिन्न अङ्गहरु झिकेर पोस्टमार्टमको सम्बन्धि निकाएमा पठाइने , बर्दिया राष्ट्रिय निकुञ्जको प्राबिधिक टोलि , स्थानीय जनप्रतिनिधि ,टिकापुर नगरपालिका पशु प्राबिधिक, पत्रकार , बनकर्मचारी रहोबरमा मुचुल्का बनाएको सब डिभिजन वन कार्यलय टिकापुर का प्रमुख यादवले जानकारी दिए ।
पछिल्लो समय चिसापानी जैविकमार्ग मा बन्यजन्तुहरु मृत अवस्था भेटिने बढ्दो रहेको छ । बर्दिया राष्ट्रिय निकुञ्ज बाट बन्यजन्तु पानी खान कर्णाली नदिमा आउने गरेको , बर्दिया राष्ट्रिय निकुञ्जमा बाघको सङ्ख्या बढेको ,तिनको आहारबिहारमा कमि भएको ,मानव बन्यजन्तु बिचको द्वन्द्व बढेको , बासस्थानमा कमि , कर्णाली नदि धार परिवर्तन गरि निर्माण गरेका भंगालोहरु , गेरुवा भंगालो मा बन्यजन्तुले पिउने पानी कमि भए पछि बन्यजन्तु अरु तिर पानी पिउन आउदा मानव बन्यजन्तु द्वन्द्व बढेको , बन्यजन्तु आक्रमणमा पर्ने गरेको डिभिजन वन कार्यलय पहलमानपुरका वरिष्ठ डिभिजनल वन अधिकृत प्रमुख रामचन्द्र कडेलले बताए ।
