सुखड /कैलालीको घोडाघोडी नगरपालिका–१० पहलमानपुरमा अपराध तथा लागु पदार्थ दुर्व्यसन नियन्त्रण सम्बन्धी सचेतना मूलक कार्यक्रम गरिएको छ । “बालबालिकालाई खेलकुदमा लगाऔँ, लागु औषध दुर्व्यसन भगाऔँ” भन्ने मूल नाराको साथमा इलाका प्रहरी कार्यालय सुखडको सहकार्य र सहारा युवा क्लबले कार्यक्रम गरेको हो । लागु औषध सेवन तथा दुर्व्यसनीबाट युवालाई बचाउने लक्ष्यका साथ कार्यक्रम गरिएको सहारा युवा क्लबले जनाएको छ ।
कार्यक्रमको सहजिकरण इलाका प्रहरी कार्यालय सुखडका प्रमुख तथा (डिएसपी) वीरेन्द्र वीर विश्वकर्माले गरेका थिए । उहाँले लागु औषधको बारेमा जानकारी, दण्ड, कानुनी सजाय, जरिवाना, लागु औषधरमादक पदार्थको दुर्व्यसनीबाट बच्ने उपायहरू, यसका लक्षणहरू र अभिभावकले ध्यान दिनुपर्ने कुराहरूको बारेमा जानकारी दिएका थिए । लागु पदार्थको सेवन कर्ताहरूको चेतना अभिवृद्धि र मनोभावना हुने आपराधिक मानसिकता बढी हुने र यसले गर्दा समाजमा अपराधहरू बढ्ने गरेको उनको भनाई थियो ।
लागु पदार्थको प्रयोगले शारीरिक, मानसिक, सामाजिक, आर्थिक लगायत सबै कुरामा हानी नै पु¥याउँने हुँदा यस बाट आफू पनि बचौँ र अरूलाई पनि बचाउ सबै जना लाग्नु पर्ने ९डिएसपी० वीरेन्द्र वीर विश्वकर्माको आग्रह थियो । सहारा युवा क्लबका अध्यक्ष निर्मल मिश्रको सभाध्यक्षमा भएको कार्यक्रमको प्रमुख अतिथि नगर प्रमुख खडक बहादुर रावत रहेको थिए ।
त्यसै विशिष्ट अतिथिमा वडा नम्बर १० का वडा अध्यक्ष विजय स्वार र इलाका प्रहरी कार्यालय सुखडका प्रमुख तथा (डिएसपी) वीरेन्द्र वीर विश्वकर्मा रहेका थिए । कार्यक्रममा घोडाघोडी जेसिजका वर्ष २०२४ का अध्यक्ष दीपक चन्द, युवाहरू, बालबालिकाहरू, समाजसेवी, बुद्धिजीवी लगायत विभिन्न व्यक्तिहरूको सहभागिता रहेको थियो भने कार्यक्रमको सञ्चालन आकाश परियारले गरेका थिए ।
