कैलालीको घोडाघोडी नगरपालिका–१ सुखडमा समय व्यवस्थापन तालिम सम्पन्न भएको छ । घोडाघोडी जेसीज वर्ष २०२४ का अध्यक्ष जेसी दीपक बहादुर चन्दको सभाध्यक्षमा भएको कार्यक्रममा प्रमुख अतिथि बौनिया जेसीज वर्ष २०१८ का अध्यक्ष तथा वर्ष २०२० का राष्ट्रिय उपाध्यक्ष जेसी धिरज शाही रहेका थिए ।
घोडाघोडी जेसीजका पदाधिकारी तथा बोर्ड सदस्यहरूको सहभागी रहेको तालिमको प्रशिक्षक जेसी धिरज शाहीले गरेको थिए । सहभागीहरूलाई समयको महत्त्व र समय व्यवस्थापन कसरी गर्न सकिन्छ भन्ने बारेमा जानकारी दिएका थिए । घोडाघोडी जेसीज वर्ष २०२४ का कार्यकारिणी उपाध्यक्ष लक्ष्मण न्युरेको स्वागत मन्तव्य सँगै सुरु भएको कार्यक्रमको सञ्चालन घोडाघोडी जेसीज वर्ष २०२४ का महासचिव कलक जङ्ग सिंहले गरेका थिए ।
