एल बी बुढा,टीकापुर/ कैलालीको टीकापुरमा सिमलकाे रुख पार्क सडक खस्दा दुई दिन देखि टीकापुर पार्क राेड अवरुद्ध भएको छ । शनिबार आएको हावाहुरीले करिव सय वर्ष पुरानाे सिमलकाे रुख पार्क राेडमा खस्दा सडक अवरुद्ध भएको हाे ।
पार्क राेडमा खसेको सिमलकाे रुख धेरै ठुलाे भएका कारण दुई दिन सम्म पनि हटाउन सकिएको छैन । टीकापुर नगरपालिका र स्थानीयकाे सहयाेगमा दुई दिन देखि रुख काट्ने काम भए पनि रुख माेटाे र पुरानाे भएका कारण काट्न समय लागेकाे नगरपालिकाले जनाएको छ । नगरपालिकाकाे स्काई भेटरले काटकाे सिमलकाे रुखलाइ सडकबाट साइट लगाइ रहेकाे जनाएको छ ।
चारैतिर घर घर रहेकाे साे क्षेत्रमा रातिकाे समयमा कसैकाे घरमा नखसि खुल्ला ठाउमा खस्नु भाग्यकाे कुरा भएको स्थानीय टेक बहादुर खड्काले बताउनुभयो । उहाँले सयाै वर्ष पुरानाे सिमलकाे रुख रातिकाे समयमा घरमा नखस्नु भनेकाे दैवकाे लिला भएको बताउनुभयो । उहाले यसले गर्दा भगवान प्रती आफ्नो आस्था बढेर आएको बताउनुभयो । रुख विजुलीकाे तारमा खस्दा पाँच वटा विजुलीका पाेल टुटेका छन् । विजुलीका पाेल टुट्दा दुई दिन देखि टीकापुर पार्क र आसपासकाे क्षेत्रमा विजुली नहुदा अन्धकार भएको छ ।
नेपाल बिद्धुत प्राधिकरण टीकापुर वितरण केन्द्रले भाचिएका विजुलीका पाेल हाल्ने काम गरिरहेकाे छ । मंगलबार साझ सम्म भाचिएका विजुलीका पाेलहरु मर्मत गरि सकिने नेपाल बिद्धुत प्राधिकरण टीकापुर वितरण केन्द्रले जनाएको छ ।
टीकापुर सडक अवरुद्ध हुदा टीकापुर पार्कमा आउने पर्यटकहरुलाइ असहज भएको छ भने स्थानीयलाई समेत आवत जावतमा समस्या भएको छ ।
