मोहित श्रीपाइली,सत्ति / टिकापुर नगरपालिका वडा नम्बर ७ सत्ति स्थित पदम प्रकाशेश्वर महादेव मन्दिरका लागि अक्षयकोष स्थापना भएको छ ।
पुरातात्त्विक सम्पदा श्रेणी ग मा सुचिकृत साे मन्दिरको नित्य पुजा कार्यमा सहज होस् भनेर टिकापुर – ६ सत्तिका स्थायी बासिन्दा माेहन बहादुर शाहले पाँच लाख पच्पन्न हजार पाँच सय पच्पन्न रुपैयाँको अक्षयकाेष खडा गरेका हुन ।
सल्यान जिल्लाकाे डाँडा गाउँ काेट जन्मस्थल भइ हाल विगत लामो समय देखि सत्ति बस्दै आएका ८२ वर्षे सामाजिक अगुवा माेहन बहादुर शाहले मन्दिरको नित्य पुजाअर्चनामा केही सहयोग होस् भनी अक्षयकोष स्थापना गरिएको बताए ।
मन्दिरमा हुने नित्य पुजा र विशेष पुजाकाे लागि रकम अभावका कारण मन्दिरले दाताको सहयोगमा पुजा गर्ने गरेको बताउँदै ।
‘अक्षयकोषकाे वार्षिक ब्याज बाट आएको रुपैयाँले मन्दिरको नित्य पुजा र विशेष पुजामा सघाउ पुग्नेछ । ‘ मन्दिर व्यवस्थापन समितिका अध्यक्ष विदुरलाल कायस्थले बताए ।
अक्षयकोष स्थापना अतुलनीय , संस्कृति संरक्षणमा असाधारण पुनित कार्य भएको यसबाट अरुले पनि शिक्षा ग्रहण गर्नुपर्नेमा मन्दिर व्यवस्थापन समितिका अध्यक्ष कायस्थले बताए ।
संस्कृति , धर्म संरक्षणमा मन भएका शाहले गरेको याेगदान समाजका लागि प्रेरणादायी भएको टिकापुर नगरपालिकाका नगर प्रमुख रामलाल डगाैरा थारुले प्रतिक्रिया दिए ।
