धनगढी/नेपाल वन प्राविधिक सुदूरपश्चिम प्रदेश कार्य समितिको अधिवेशनबाट अध्यक्षमा रामवतार चौधरी विजयी भएका छन ।
शनिबार कैलालीमा भएको प्रथम अधिवेशनबाट अध्यक्ष पदमा प्रजातान्त्रिक वन प्राविधिक संघका उम्मेदवार चौधरी विजयी भएका छन् ।
अध्यक्ष पदमा मात्र भएको मतदानमा जम्मा ८५ मत खसेका थिए । खसेका मत मध्ये चौधरीले ६९ मत ल्याई विजय भएका हुन । उनका प्रतिशपर्धी पूर्ण शंकर यादवले १६मत मात्रै प्राप्त गरेको निर्वाचन अधिकृत हेम राज बिष्टले जानकारी दिए ।
अन्य पदहरुमा सहमति भए पनि अध्यक्ष पदमा सहमति हुन नसक्दा प्रथम अधिवेशन नै निर्वाचन प्रणालीमा गएको थियो ।जसमा उपाध्यक्ष गणेश त्रिपाठी ,खुल्ला सचिब दिनेश कुमार यादव , महिला सचीव शुस्मा ढकाल , कोषाध्यक्ष रामचन्द्र अवस्थी सदस्यहरुमा भरतप्रसाद शाह , अनिसा मरहट्टा ,बिमल चन्द , सृजना चौधरी रहेका छन् ।
