माेहित श्रीपाइली,
जानकी/नागरिक उन्मुक्ति पार्टीको जानकी गाउँ पालिका वडा नं. ३ काे प्रथम वडा भेला तथा वडा समिति गठन गरिएको छ ।
शुक्रबार कैलालीको जानकी गाउँ पालिका वडा नं. ३ मा नागरिक उन्मुक्ति पार्टीकाे प्रथम वडा भेला तथा वडा समिति गठन कार्य सम्पन्न गरिएको हाे ।
समाजसेवी फागुराम चाैधरीकाे अध्यक्षतामा भएको कार्यक्रममा नागरिक उन्मुक्ति पार्टीका प्रवक्ता दामाेदर पन्डित प्रमुख अतिथि रहनु भएको थियाे ।
वडा भेला तथा वडा कमिटी गठन कार्यक्रममा नागरिक उन्मुक्ति पार्टीका केन्द्रीय सदस्य तथा वडा नं. ७ का वडा अध्यक्ष रामलाल डगाैरा थारु विशिष्ट अतिथि रहनुभएकाे थियाे । कार्यक्रममा केन्द्रीय सदस्य रमेश वि.क., केन्द्रीय सदस्य दिपक निसानी र केन्द्रीय सदस्य गंगाराम चाैधरी र जिल्ला सदस्य इन्द्र चाैधरी लगायतले शुभकामना मन्तव्य राख्नुभएको थियाे ।
रमेश चौधरीकाे संयाेजकत्वमा २२ सदस्यीय वडा समिति गठन भएको छ । जसकाे सह- संयाेजकमा मिना देवि थारु चयन हुनुभएको छ ।
पछिल्लो पटक नागरिक उन्मुक्ति पार्टीले विभिन्न नगरपालिका तथा गाउँपालिकाका वडामा आफ्नो संगठन विस्तार गरिरहेको छ ।
नागरिक उन्मुक्ति पार्टी दर्ता भइ संगठन विस्तार गर्न लागे संगै कैलाली लगायतका धेरै जसाे जिल्लामा बेग्लै किसिमको राजनीतिक तरंग फैलिरहेको बताइएको छ ।
