टीकापुर नगरपालिकाले सय दिनकाे महत्त्वपूर्ण उपलब्धि पत्रकार सम्मेलन मार्फत सार्वजनिक

शेयेर गर्नुहोस

टीकापुर/टीकापुर नगरपालिकाले सय दिनकाे महत्त्वपूर्ण उपलब्धि पत्रकार सम्मेलन मार्फत सार्वजनिक गरेकाे छ । बिहिबार नगर प्रमुख रामलाल डगाैरा थारुले पत्रकार सम्मेलन मार्फत नगरपालिकाले सय दिनमा गरेका महत्त्वपूर्ण उपलब्धि सार्वजनिक गर्नुभएको हाे ।

पत्रकार सम्मेलनमा टीकापुर नगरपालिकाले टीकापुरका संस्थापक स्व. खड्गबहादुर सिँहको नाममा पार्क निर्माण गर्न प्रकृया अघि बढाइएको जनाएको छ । नगरपालिकाले टीकापुरलाई सम्पदा शहरका रुपमा विकास गर्ने प्रकृया अघि बढेको समेत जानकारी दिएको छ ।

उहांले फोहोरलाई मोहरमा परिणत गर्न विभिन्न संघ संस्थाहरु सँग समन्वय गरेर फोहोर व्यवस्थापनको काम अघि बढेको जानकारी दिनुभयाे । पत्रकार सम्मेलनमा ढल निकास, बजारको सुन्दरतालाई ध्यानमा राखेर हरियाली बगैचा निर्माण, सार्वजनिक शौचालयको व्यवस्थापन, टीकापुर अस्पतालमा उपलब्ध गराईदै आएको बालरोग र स्त्री रोग विशेषज्ञ सेवालाई निरन्तरता लगायतका कामलाई निरन्तरता दिईने बताउनुभयो ।

विगत वर्षहरुमा चर्चामा रहेको बाहिरी चक्रपथको काम समेत नगरपालिकाले यसै आर्थिक वर्ष भित्र सुरु गर्ने जनाएको छ । उसले रेखाङ्कन र कालोपत्रेको काम चालु आर्थिक वर्षबाटै सुरु गर्ने घोषणा गरेको छ ।

नगरपालिकाले टीकापुर क्षेत्रको समग्र विकासका लागि औद्योगिक ग्राम स्थापना सम्भाव्यता अध्ययन तथा जग्गाको सुनिश्चितता गरी लगानी सम्मेलन गरेर बाह्य लगानी भित्र्याईने बताउनुभयाे ।

नगर प्रमुख रामलाल डगौरा थारुले उज्यालो कार्यक्रमलाई प्रभावकारी ढंगले अघि बढाईने बताउनुभयाे । उहांले सो कार्यक्रम अन्र्तगत नगर क्षेत्र भित्रका विभिन्न चोकमा हैलोजन लाईट जडानको काम सुरु भैसकेको जानकारी दिए । उनले निकट भविष्यमा कार्यक्रमलाई अभियानकै रुपमा निरन्तरता दिईने बताउनुभयाे ।
पत्रकार सम्मेलनमा विगतका वर्षहरुमा हुने गरेको असारे विकासको अन्त्य गरी बैशाख महिनाको मसान्त भित्र योजना तथा कार्यक्रमहरु सम्पन्न गर्ने नीतिगत निर्णय भएको समेत नगर प्रमुख थारुले बताउनुभयो ।

नगरपालिकाले टीकापुर पार्कलाई प्लाष्टिक रहित बनाउन प्लाष्टिक मुक्त क्षेत्र घोषणा गर्ने र विकल्पका रुपमा दुना टपरीको प्रयोग बढाउने योजना अघि सारेको पत्रकार सम्मेलनमा नगर प्रमुख रामलाल डगाैरा थारुले जानकारी दिनुभयो ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

समाचार

कोरानाको महामारिले पछि परेको होमस्टे माथी उकास्न लाग्छु : मन्त्री धामी

सुखड /होमस्टे स्वरोजगारका लागि राम्रो पाटो रहेको सुदुरपश्चिम प्रदेश उद्योग, पर्यटन, वन तथा वातावरण मन्त्रि रमेश धामिले बताएका छन । तिहार तथा छठ पर्वको अवसरमा

अझै पढ्नुहोस्
समाचार

मोहन्याल सामुदायिक वनको साधारण सभा सम्पन्न

सुखड / कैलाली जिल्लाको घोडाघोडि नगरपालिका वडा ३ नारायणपुरमा रहेको मोहन्याल सामुदायिक वन उपभोक्ता समुहको १० औ साधारणसभा सम्पन्न भएको छ। वनका अध्यक्ष पार्वती न्युरेको

अझै पढ्नुहोस्
शिक्षा/स्वास्थ्य

जनतासंघ मेयर\उपमेयर कार्यक्रमबाट विद्यार्थीलाई न्यानाे कपडा बितरण

टीकापुर/टीकापुर नगरपालिकाको जनतासंघ मेयर\उपमेयर कार्यक्रमबाट आर्थिक अवस्था कम्जाेर भएका बिद्यार्थीहरुलाइ न्यानो कपडा वितरण गरिएको छ । जनतासंघ मेयर\उपमेयर कार्यक्रमबाट श्री भानुभक्त आधारभुत बिद्यालय टीकापुर ९

अझै पढ्नुहोस्
समाचार

टीकापुरका नगर अनुदान शिक्षककाे आन्दोलनका कार्यक्रम स्थगित

टीकापुर/ कैलालीको टीकापुर नगरपालिकामा दुई दिन देखि भएको नगर अनुदान शिक्षककाे आन्दोलनका कार्यक्रम स्थगित गरिएको छ ।विहिवार नगरपालिका विच सेवा सुविधा बढाउने सहमति पछि आन्दोलनका

अझै पढ्नुहोस्