कैलालीको टीकापुर नगरपालिकामा विहिवार देखि नेपाल सरकारकाे राष्ट्रिय परिचयपत्र अभियान अन्तरगत नाम दर्ता गर्ने काम सुरु भएको छ । पहलाे चरणमा टीकापुर नगरपालिकाकाे वडा नम्बर १ र ३ मा विहिवार देखि सुरु गरेकाे हाे भने वडा नम्बर २, ४, ५ र ७ बाट आइतबारदेखि सुरु गरिन लागेकाे नगरपालिकाले जानकारी दिएको छ । राष्ट्रिय परिचयपत्र अभियानमा रुजु अधिकारीहरु छनाैट गरि वडा कार्यालयकाे सिफारिसमा टीकापुर नगरपालिकाले जिल्ला प्रशासन कार्यालय धनगढीमा पठाइ सकेको थियाे । जिल्ला प्रशासन कार्यालयले टीकापुर नगरपालिकाकाे १ देखि ९ नम्बर वडामा राष्ट्रिय परिचयपत्र अभियानमा काम गर्न ३९ जना रुजु अधिकारी खटाएको छ । राष्ट्रिय परिचयपत्रका लागि नेपाली नागरिकता सक्कलइ ल्याउनु पर्ने छ भने आफ्नो पुर्णरुपमा परिचय खुल्ने खालका कागजात लिएर जानुपर्ने बताइएको छ । राष्ट्रिय परिचयपत्र चिप्स सहितको हुने भएकोले बहुउपयाेगि हुने र नेपाली नागरिकतालाइ बिस्तारै बिस्थापित गरिने जिल्ला प्रशासन कार्यालयले जनाएको छ । राष्ट्रिय परिचयपत्र बहुउपयाेगि भएकोले सबैले आ आफ्नो नाम दर्ता गर्न नगरपालिकाले आग्रह समेत गरेकाे छ ।
