टीकापुर/कैलालीको टीकापुर- २ मा रहेकाे केरा पकाउने च्याम्बरकाे नगर प्रमुख रामलाल डगाैरा थारु लगायतको टाेलिले अनुगमन गरेकाे छ ।
साेमबार टीकापुर- २, बन्दिपुरमा बन्द अवस्थामा रहेको केरा पकाउने च्याम्वरकाे नगर प्रमुख थारु लगायत रानि, जमरा, कुलरिया सिचाइ आयाेजना कृषि कार्यक्रम कार्यान्वयन इकाई टीकापुरकाे टीमले अनुगमन गरेकाे हाे । रानि, जमरा, कुलरिया सिचाइ आयाेजना कृषि कार्यक्रम कार्यान्वयन इकाई टीकापुरकाे आर्थिक तथा प्राविधक सहयोगमा साे केरा पकाउने च्याम्वर बनेकाे हाे ।
आर्थिक वर्ष २०७५/०७६ मा ३ कराेड ५६ लाख ३६ हजार २३६ लागतमा बनेकाे केरा पकाउने च्याम्वर एक वर्ष देखि बन्द अवस्थामा रहेको छ । च्याम्वरलाई तत्काल संचालनमा ल्याउन नगर प्रमुख थारुले पहल थाल्नु भएको छ ।
नगर प्रमुख थारुले यस विषयमा थप छलफलका लागि सम्बन्धित निकाय, सराेकारवाला र रानि, जमरा, कुलरिया सिचाइ आयाेजना कृषि कार्यक्रम कार्यान्वयन इकाईकाे भाेलि मंगलबार बैठक बाेलाउनु भएको छ ।
बैठकमा केरा पकाउने च्याम्वरलाइ बैकल्पिक रुपमा कसरी संचालनमा ल्याउन सकिन्छ भन्ने विषयमा छलफल हुनेछ ।
