टीकापुर/कृषिमा आधुनिक प्रबिधि र प्राबिधिक सेवा सहित स्मार्ट कृषि अभ्यास गराउने उद्धेष्यले टिकापुर नगरपालिका वडा नम्बर २ मा तत्सम एग्रिकल्चर रिसर्च एण्ड डेभलपमेन्ट (आर.एण्ड.डि) सेन्टरको सुरुवात गरिएको छ ।
तत्सम एग्रिकल्चर ट्रेड प्रालिंको लगानी रहेको उक्त सेन्टरले ४ बिगाहाको आधुनिक एवं स्मार्ट सेन्टरको स्थापना गरेको हो । नयाँ जातका वाली, नयाँ प्रबिधि प्रयोग, बिभिन्न रोग, किरा र खाद्यतत्व ब्यवस्थापनका साथै तालिम र अनुसन्धान गर्ने उद्देष्य सहित सो सेन्टरको स्थापना गरिएको कृषि बिज्ञ कृष्ण न्यौपानले जनाए ।
टीकापुरमा बिगत १ बर्ष देखि बिभिन्न अनुसन्धान र प्रसारमा काम गर्दै आएका न्यौपानेले सेन्टरले किसान र कृषि प्राबिधीकलाई प्रयोगात्मक परिणाम सहित उत्पादन गर्ने तरिका सिकाउन मद्दत गर्ने बताए ।
टीकापुर र सुदु्र पश्चिम क्षेत्र कृषि उत्पानकालागि संभावना युक्त स्थान भएकाले उत्पादकत्व बढाउन आफुहरुले नयाँर स्मार्ट अनुसन्धान र बिकास फार्म सुरु गरेको भन्दै यस सेन्टर मार्फत किसानको प्राबिधिक क्षमतामा बिकास गर्ने बिज्ञ न्यौपानेले ठोकुवा गरे ।कम्पनिले उक्त सेन्टरकालागि १ करोड लगानी गर्ने योजना बनाएको छ भने एग्रो टुरिजमलाई प्रवर्दन गर्न फार्म स्टे पनि सञ्चालन गर्ने बताएको छ ।
किसानलाई फिल्डमै गएर निःशुल्क प्राबिधिक सल्लाह र समाधान दिईरहेको कम्पनीले किसानलाई आवस्यक पर्ने सामाग्रिहरुको बिक्रि गरिरहेको छ । हाल केरा खेती , बिभिन्न तरकारीवाली र अन्नवाली खेती गर्ने किसानहरुको प्राबिधिक क्षमता बढाउने काम गरिरहेको छ । शेवा लिन चाहने किसालाई कम्पनीका तर्फबाट निःशुल्क परामर्श तथा तालिम उपलब्ध गराईरहेको किसानहरुले बताएका छन् । प्राबिधिक ज्ञान र शिपका कमीका कारण समस्या भोगिरहेका किसानले राहत महशुस गर्ने गरी काम गर्ने कम्पनिले दावी गरेको छ ।
