जमुना न्युरे,सुखड / कैलाली जिल्ला को लम्की चुहा नगरपालिका वडा ३मा रहेको टुक्की बजार बाट आज दुई जनालाई चितुवाको छाला सहित दुई जनालाइ प्रहरीले प्रकाउ गरेको छ ।
सुदूरपश्चिनम प्रदेश प्रहरी कार्यालय धनगढी र ईलाका प्रहरी कार्यालय चिसापानीबाट प्र.नि. टेक बहादुर जोराको कमाण्डमा खटि गएको संयुक्त प्रहरी टोलीले कुईने देखि चिसापानी तर्फ आउँदै गरेको अछाम जिल्ला बिनायक नगरपालिका वडा नं. ०६ तोली बस्ने बर्ष-३६ को तुल बहादुर बि.क. जुम्ला जिल्ला तातोपानी गाउँपालीका वडा न. ०४ राउत वाडा बस्ने बर्ष-५० को तुल बहादुर खत्री लाई विशेष सुराकी आधारमा प्रकाउ गरेको छ ।
प्रहरीले सन्काको आधारमा चेकजाँच रातो पहेलो रंगको झोलामा लुकाइ छिपाइ ल्याउदै गर्दा लम्बाई ७ फिट १० ईन्च र चौडाई ४ फिट ७ ईन्च भएको चितुवाको छाला थान १ (एक) र बन्यजन्तुको जस्तो देखिने बिभिन्न भागका हड्डी २ किलो ९५० ग्राम बरामद गरेको हो ।
प्रकाउ परेका दुवै जनालाई थप अनुसन्धान र कारबाहीका लागि जिल्ला प्रहरी कार्यलय धनगढी पठायको चिसापानी इलाका प्रहरी कार्यलयका प्रमुख टेक बहादुर जोराले जानकारी दिए ।
