सुखड/कैलालीको घोडाघोडी नगरपालिकाले वडा नम्बर २ साडेपानीमा रहेको चिडियाताल युवा क्लबका खेलाडीहरूलाई क्रिकेटका खेल सामाग्री हस्तान्तरण गरेको छ ।
नगर प्रमुख खडक बहादुर, प्रमुख प्रशासकीय अधिकृत शिव सिंह भण्डारी र शिक्षा शाखाका उप–सचिव खगेन्द्र बहादुर सिंहले संयुक्त रुपमा खेल सामाग्री हस्तान्तरण गरेको हुन् ।
नगरपालिकाले क्रिकेट ब्याट, हेल्मेट, प्याड, ग्लोभ्स, टेनिस बल, स्टम्प, कोन्स तथा किट ब्यागहरू वितरण गरेको हो । चौड्यालमा रहेको क्रिकेट मैदानमा प्रशिक्षण गर्नको लागी खेलाडी र प्रशिक्षकहरूलाई खेल सामाग्री हस्तान्तरण गरीएको नगरपालिकाले जनाएको छ । खेलाडीहरूलाई हौसला प्रदान गर्न क्रिकेट खेल सामाग्री उपलब्ध गराएको बताईएको छ ।
