जमुना न्युरे/अत्तरिया कैलालीको गोदावरी नगरपालीकाको कार्यालय परिसरमा शिक्षकहरुले विरोध सभा गरेका छन् । शिक्षहरु आवद्ध गोदावरी नगर शिक्षक समिति,नेपाल राहत शिक्षक समिति,एकिकृत अखिल नेपाल शिक्षक संगठन र नेपाल राष्ट्रिय शिक्षक संगठनले संयुत्त रुपमा नगर परिसरमा विरोध सभा गरेका हुन् ।
गोदावरी नगरपालीका भित्र रहेका शिक्षकहरुले तिन महिनादेखी तलब नपाएको भन्दै उनीहरुले नगर परिसरमै विरोध सभाको आयोजना गरेका हुन् ।
उनीहरुले गत महिनादेखी नै नगरपालीकासंग विभीन्न माग राख्दै विरोध गर्दै जनाउँदै आएका छन् । नेपाल राष्ट्रिय शिक्षक संगठनका गोदावरी नगर अध्यक्ष नरेन्द्रराज शर्माले शिक्षकले तीन महिनादेखी तलब नपाएको बताँउदै नगरप्रमुखसंग विस्तृत रुपमा छलफल गर्न चाहेको तर नगरप्रमुखले भेटघाटको अवसर नदिएको गुनासो गरेका छन् ।
विगत देखि समयमै तलब प्राप्त गर्दै आएकोमा हाल आएर ३ महिना देखी तलव नपाएको,त्यस्तै कक्षा १ देखि ७ सम्मको स्थानिय पाठ्यक्रम र पाठ्यपुस्तकको निमार्ण नभएको र छिट्टै हुनुपर्ने,नगर शिक्षकको व्यवस्थापनका साथै तलब वृद्धी गरीनुपर्ने लगायतका माग उनीहरुले राखेका छन् ।
यता गोदावरी नगरपालीकाका नगरप्रमुख विरेन्द्र भट्टले भने मंसिर देखी कार्यालयमा लेखापाल नभएको र माथीबाटै सरुवाको काम पनी बन्द भएको हुँदा तलब मात्रै नभइ कार्यालयका दैनीक कामकाज समेत प्रभावित भएको बताएका छन् । वैकल्पीक व्यवस्था भईसकेको र सोमबार देखी तलब लगायतका नियमित हरु सुचारु हुने उनले बताएका छन् ।
