टीकापुर/ कैलालीमा अविरल रुपमा आएको बेमौसमी वर्षा र बाढीका कारण ३० प्रतिशत धानवालिमा क्षति भएको छ ।
कैलाली जिल्लाको टीकापुर,भजनी, कैलारि, जानकी, जोशीपुर, गौरीगंगा, घोडाघोडी, लम्कीचुहा र गोदावरीमा सबैभन्दा बढी धानबालीमा क्षति भएको तथ्यांकले देखाएको छ । धानवाली भित्र्याउने बेला बाढीले नाेक्सान गरेपछि स्थानीयले सरकारलाई उचित राहतकाे व्यवस्था गर्नुपर्ने माग राखेका छन् । यस वर्ष खाद्य संकट नै आउने गरी क्षति भएको सुदूरपश्चिम प्रदेश कृषि निर्देशनालयका निर्देशक यज्ञराज जोशीले बताउनुभयाे ।
उहाँले किसानले काट्न बाँकी राखेको धान पनि ढलेर कुहिने अवस्थामा रहेको बताउनुभयो ।
जाेशिले बेमौसमी झरीले धानबालीमा अपूर्णिय क्षति भएको भन्दै क्षतिको एकिन तथ्यांक संकलभइरहेको बताउनुभयो ।
कैलालीमा मोहन्याल र चुरेबाहेक ११ पालिकामा धानबालीमा भएको क्षतिको प्रारम्भिक अध्ययनअनुसार ७० हजार ५ सय हेक्टरमध्ये २१ हजार हेक्टर क्षेत्रफलमा लगाइएको धानबालीमा क्षति भएको तथ्यांक आएको छ ।
