सुखड/कैलालीको घोडाघोडी नगरपालिका–१ सुखडमा राष्ट्रिय फुटबल टोलीका पूर्व कप्तान हरि खड्का आउने भएका छन् । सुखड रङ्गशालामा सञ्चालन हुने एन्फा जिल्ला लिग फुटबल प्रतियोगिताको ट्रफी अनावरण गर्न यही वैशाख २२ गते पूर्व राष्ट्रिय फुटबल टोलीका कप्तान हरि खडका आउने अखिल नेपाल फुटबल सङ्घ कैलाली जिल्ला सदस्य होम तामाङले जानकारी दिए ।
सुखड रङ्गशालामा वैशाख २८ गते अखिल नेपाल फुटबल सङ्घको नियमित वार्षिक कार्यक्रम अन्तर्गत कैलाली जिल्ला फुटबल प्रतियोगिता २०८१ आयोजना हुदैछ । प्रतियोगितामा जिल्ला भरीका २१ वटा क्लबहरूको सहभागिता हुने अखिल नेपाल फुटबल सङ्घ कैलालीले जनाएको छ । ३ चरणमा हुने प्रतियोगिता एक महिना सम्म सञ्चालन हुने बताइएको छ ।
