गेटामा चिकित्सा सञ्चालनका लागि चिकित्सा शिक्षा आयोगको टोलीले स्थलगत अनुगमन

शेयेर गर्नुहोस

धनगढी/कैलालीको गेटास्थित शहीद दशरथ चन्द स्वास्थ्य विज्ञान विश्वविद्यालयमा चिकित्सा शिक्षा कार्यक्रम सञ्चालनका लागि चिकित्सा शिक्षा आयोगको टोलीले स्थलगत अनुगमन सुरु गरेको छ।

विश्वविद्यालयमा चिकित्सा शिक्षा कार्यक्रम सञ्चालनको अनुमति तथा विद्यार्थीका लागि सिट संख्या निर्धारण गर्ने प्रक्रियाअन्तर्गत आयोगको टोलीले अनुगमन थालेको हो। टोलीले विश्वविद्यालयमा आवश्यक भौतिक पूर्वाधार, जनशक्ति, शिक्षण संस्था, प्रयोगशाला तथा शिक्षण अस्पतालको अवस्थाबारे अध्ययन गर्नेछ।

अनुगमनका क्रममा विश्वविद्यालय परिसर, शिक्षण भवन, प्रयोगशाला, अस्पताल तथा विद्यार्थीको अध्ययन र प्रयोगात्मक अभ्याससँग सम्बन्धित पूर्वाधारको निरीक्षण गरिनेछ। आयोगले निर्धारण गरेको मापदण्डअनुसार विश्वविद्यालयले आवश्यक पूर्वाधार र जनशक्ति व्यवस्थापन गरे–नगरेको समेत मूल्यांकन गरिनेछ।

विश्वविद्यालय र सुदूरपश्चिम प्रदेश सरकारबीच भएको सम्झौताअनुसार प्रदेश सरकार मातहतका अस्पताललाई पनि विद्यार्थीको प्रयोगात्मक तथा क्लिनिकल अभ्यासका लागि प्रयोग गर्ने तयारी गरिएको छ। त्यसअनुसार सम्बन्धित अस्पतालको भौतिक अवस्था, उपलब्ध स्वास्थ्य सेवा, जनशक्ति तथा विद्यार्थीलाई अभ्यास गराउन सकिने क्षमताबारे समेत आयोगको टोलीले अध्ययन गर्नेछ।

गेटामा चिकित्सा शिक्षा सञ्चालनका लागि विश्वविद्यालयले पहिलो चरणमा एमबीबीएस, बीएस्सी नर्सिङ, मेडिकल ल्याब टेक्नोलोजी र अप्टोमेट्रीलगायतका शैक्षिक कार्यक्रम सञ्चालन गर्ने तयारी गरेको छ। यी कार्यक्रम सञ्चालनमा आएपछि सुदूरपश्चिमका विद्यार्थीलाई चिकित्सा तथा स्वास्थ्य शिक्षा अध्ययनका लागि प्रदेशबाहिर जानुपर्ने अवस्था केही हदसम्म कम हुने अपेक्षा गरिएको छ।

एमबीबीएस कार्यक्रम सञ्चालनका लागि गेटामा रहेको अस्पताललाई शिक्षण अस्पतालका रूपमा विकास गर्ने तयारीसमेत अघि बढाइएको छ। अस्पतालको क्षमता विस्तारसँगै आवश्यक उपकरण, जनशक्ति तथा अन्य पूर्वाधार व्यवस्थापनलाई प्राथमिकतामा राखिएको विश्वविद्यालयले जनाएको छ। आफ्नै शिक्षण अस्पतालसँगै प्रदेशका अन्य अस्पताललाई समेत विद्यार्थीको क्लिनिकल अभ्यासमा जोड्ने योजना विश्वविद्यालयको छ।

यसै क्रममा विश्वविद्यालयले सुदूरपश्चिमका चार अस्पतालसँग सम्झौता गरिसकेको छ। सेती प्रादेशिक अस्पताल, महाकाली प्रादेशिक अस्पताल, टीकापुर प्रादेशिक अस्पताल र लम्कीचुहा अस्पताललाई विश्वविद्यालयको चिकित्सा शिक्षा कार्यक्रमसँग जोड्ने गरी सम्झौता गरिएको हो।

सम्झौताअनुसार ती अस्पताललाई विद्यार्थीको क्लिनिकल अभ्यास, तालिम तथा स्वास्थ्यसम्बन्धी अनुसन्धानका लागि प्रयोग गर्ने तयारी गरिएको छ। आयोगको टोलीले सम्झौता भएका चारवटै अस्पतालको समेत अनुगमन गर्ने जनाइएको छ।

गेटामा चिकित्सा शिक्षा कार्यक्रम सञ्चालनका लागि आवश्यक मापदण्ड पूरा भए–नभएको मूल्यांकन गर्न आयोगको स्थलगत अनुगमनलाई महत्वपूर्ण चरणका रूपमा लिइएको छ। अनुगमनपछि पूर्वाधार, जनशक्ति, अस्पताल, प्रयोगशाला, उपकरण तथा शैक्षिक वातावरणको अवस्थाका आधारमा आयोगले कार्यक्रम सञ्चालनको अनुमति र विद्यार्थी सिट संख्या निर्धारण गर्नेछ।

लामो समयदेखि गेटामा स्वास्थ्य विज्ञान विश्वविद्यालय सञ्चालन र चिकित्सा शिक्षा सुरु हुने प्रतीक्षामा रहेका बेला आयोगको अनुगमनसँगै प्रक्रिया अघि बढेको छ। अनुगमनबाट प्राप्त सुझाव र आयोगले तोकेका मापदण्ड पूरा गर्दै विश्वविद्यालयले चिकित्सा शिक्षा कार्यक्रम सञ्चालनको तयारीलाई थप अघि बढाउने जनाएको छ।

ताजा खबर

Jouer depuis la France sur 21bet Rdc : ce que change la licence Curaçao

Co potřebujete vědět o Kinbet, když hrajete z České republiky?

Casino en vivo de Magius: ruleta y blackjack con proveedores de renombre

Guía para principiantes en Cazimbo Casino y su primer depósito

सम्बन्धितखवर

छुटाउनु भयो कि !

समाचार

कानुन बमोजिम नै याेजनाकाे काम अघि बढाउन स्थानीय तहलाई मन्त्रालयकाे पत्र

टीकापुर/ सङ्घीय मामिला तथा सामान्य प्रशासन मन्त्रालयले उपभोक्ता समितिमार्फत याेजना कार्यान्वयन गर्ने सम्बन्धमा कानुन बमोजिम नै हुने प्रस्ट्याएको छ । स्थानीय तहको वार्षिक बजेट तथा

अझै पढ्नुहोस्