जमुना न्युरे,धनगढी/प्रेस चौतारी नेपाल कैलालीको आयोजनामा भोलि (शनिबार) चौतारी साँझ हुने आयोजकले जनाएको छ।
पत्रकारहरुलाइ भै परि आउने समस्या समाधान तथा दुर्घटनामा पर्ने पत्रकारहरुका लागि प्राथमिक उपचारका लागि पत्रकार अक्षयकोष स्थापनाको लागि चौतारी साझको आयोजना गरिन लागेको प्रेस चौतारी नेपाल कैलालीका अध्यक्ष भानुभक्त आचार्यले बताए।
चौतारी साँझ आयोजनाको विषयमा आज धनगढीमा पत्रकार सम्मेलन नै गरेर चौतारी साँझ आयोजनाको उद्देश्य र तयारीको विषयमा जानकारी गराइएको हो। कैलालीमा हुँदै गरेको यो साझ पहिलो पटक हो ।
चौतारी साँझमा कलाकार रामप्रसाद अवस्थी, लालबहादुर धामी, राजा राजेन्द्र, बद्री पंगेनी, समिक्षा अधिकारी र सोनु कुश्मी आउन लागेको समेत आयोजकले बताएको छ। साझ हेर्नका लागि विद्यार्थीहरुलाइ सस्तो टिकट ३०० , सर्बसाधारका लागि १००० र सघं सस्था ५००० टिकट रहेको र करिब ५ लाख बराबरको अक्षयकोष स्थापाना गरिने लक्ष्य रहेको पत्रकार सम्मेलनमा जानकारी दिए ।
