धनगढी/नेपाल निजामती कर्मचारी युनियन सुदूरपश्चिमद्वारा मुख्यमन्त्री शाह र बिधायन समिती सभापति बिष्टलाई सम्मान
नेपाल निजामती कर्मचारी युनियन सुदूरपश्चिम प्रदेशले मुख्यमन्त्री कमल बहादुर शाह र सुदुरपश्चिम मामिला तथा विधायन समिती सभापति दिवान सिंह बिष्टलाई सम्मान गरेको छ।
शनिबार कैलालीको धनगढिमा युनियनले कार्यक्रम राख्दै करिब ७ बर्षदेखी रोकिएको कानुन निर्माणमा मुख्यमन्त्री शाह र सभापति बिष्टलाई उत्कृष्ट कार्य र योगदानको लागि सम्मानित गर्दै धन्यवाद ज्ञापन गरेको हो।
कार्यक्रममा सभापति बिष्टले कर्मचारीहरूको मूल्य र योगदानलाई उच्च मापदण्डमा राख्दै प्रदेशको नीति निर्माण र कार्यान्वयनमा कर्मचारीहरूको भूमिका प्रगाढ रहने बताए। कानुन निर्माणका क्रममा बिष्टले सुदूरपश्चिमका नौ वटै जिल्लाका स्थानीय तहबाट सुझाब संकलन गरिएको बताए।
दिवान सिंह बिष्ट
त्यस्तै, मुख्यमन्त्री शाहले सुदुरपश्चिम प्रदेशको विकास र सुधारका लागि कर्मचारीहरूको महत्त्वपूर्ण भूमिका रहेको बताउँदै, उनले कर्मचारीहरूको प्रगति र समृद्धिका लागि सबै पक्षको सहयोग आवश्यक रहेको समेत उल्लेख गरे।
मुख्यमन्त्री कमल शाह
कार्यक्रममा नेपाल निजामती कर्मचारी युनियन सुदुरपश्चिम प्रदेशका अध्यक्ष धर्म बहादुर देउवाले कर्मचारीको हकहितका लागी यस सरकारले छिट्टै कानुन निर्माण गरेको प्रती धन्यवाद व्यक्त गरेका थिए।
बाइट धर्म देउबा
कार्यक्रममा युनियनका विभिन्न पदाधिकारी, सदस्य र अन्य सम्मानित व्यक्तिहरूको उपस्थिति रहेको थियो।
