धनगढी, / दशरथचन्द बैतडी समाज कैलालीले धनगढी ४ मा पर्ने शिवपुरी धामको सरसफाई गरेको छ । प्रसिद्ध धार्मिक स्थल शिवपुरी धामको पर्खाल भित्र रहेको क्षेत्रमा भएका पलास्टिक जन्य र अन्य कुहिने , नकुहिने भएको सबै फोहोरलाई जम्मा गरिएको दशरथचन्द बैतडी विद्यार्थी समाजकी सचिव करुणा चन्दले बताइन् ।
सफा धनगढी अभियानलाई नै आत्मसाथ गरेर साउनको महिनामा भक्त जनले भरिभराउ हुने शिवपुरी धाम वरपर मानवीय क्रियाकलापबाट भएको फोहोर सफा गरिएको सचिव चन्दले बताइन् । बाहिरी सरसफाईका साथसाथै मन्दिरको मूख्य आगनमा रहेका शिवलिङ्ग, अन्य मुर्ती, र आगनमा पुरै पानी झारो गरेको उन्ले बताइन् ।
सरसफाई कार्यक्रममा विद्यार्थी समाजकी अध्यक्ष आशा बोहरा, समाजका निर्वतमान अध्यक्ष चेतन विक्रम चन्द , निर्वतमान कोषाध्यक्ष र अन्य वर्तमानमा विद्यार्थी समाजमा आवद्ध पदाधिकारीको उपस्थिति रहेको थियो ।
दशरथचन्द बैतडी विद्यार्थी समाज कैलालीले स्थापना कालदेखि नै समाजमा , शौक्षिक क्षेत्रमा विभिन्न कार्यक्रम गरेर सक्रिय रुपमा रहेको छ ।
