जानकी/जानकी गाउँपालिकाका बन्द रहेका सामुदायिक विद्यालय खाेल्ने निर्णय भएको छ ।भदौ २४ गते गाउँपालिकाका अध्यक्ष गणेश चाैधरीकाे अध्यक्षतामा सामुदायिक विद्यालयका व्यवस्थापन समितिका अध्यक्षहरुकाे बैठकले बन्द रहेका विद्यालय खाेल्ने निर्णय गरेकाे हाे ।
शनिबार विहान गाउँपालिकाका अध्यक्ष गणेश चाैधरीले पत्रकार सम्मेलन गरि २३ गतेदेखि बन्द अवस्थामा रहेका सामुदायिक विद्यालय नियमित संचालन हुने बताउनुभयो । उहाँले विभिन्न चरणमा आन्दोलनरत पक्षसँग छलफल पछि बन्द फिर्ता लिने निस्क्रशमा पुगेकाे बताउनुभयो ।
अध्यक्ष चाैधरीले सामुदायिक विद्यालयहरुमा कार्यरत बालविकास शिक्षक, निजि स्राेत शिक्षक तथा विद्यालय कर्मचारीहरुका मागहरु तत्काल पूरा गर्ने सहमति भएपछि भन्द रहेका विद्यालय खाेल्ने सहमति भएको बताउनुभयो ।
आन्दोलनरत शिक्षक कर्मचारीहरुकाे गत आर्थिक वर्षकाे छुट भएको र चालू आर्थिक वर्षकाे प्रथम त्रैमासिक अनुदान रकम निकासाकाे प्रक्रियामा रहेको शिक्षा शाखा प्रमुख धर्मानन्द कपाडीले जानकारी दिनुभयो ।
सामुदायिक विद्यालयहरुमा कार्यरत बालविकास शिक्षक, निजि स्राेत शिक्षक तथा विद्यालय कर्मचारीहरुकाे संयुक्त परिचालन समितिले विभिन्न माग राखि चरणवद्व आन्दोलनका कार्यक्रम गरि भदौ २३ गतेदेखि सामुदायिक विद्यालय बन्द गरेका थिए ।
