टीकापुर/ कैलालीकाे टीकापुर नगरपालिकाका केही वडा कार्यालयले सेवाग्राहीलाई काेराेना खाेप कार्ड अनिवार्य गरेका छन् ।
टीकापुर नगरपालिका वडा नं. ७ र ९ ले वडा कार्यालय सेवालिन आउदा सेवाग्राहीले अनिवार्य रुपमा काेराेना लगाएको खाप कार्ड ल्याएर आउन सुचना जारी गरेकाे हाे ।
शुक्रबार वडा नं. ७ र ९ ले छुट्टाछुट्टै सुचना जारी गर्दै वडा कार्यालयमा सेवा लिन आउदा सेवनग्राहिलाइ काेराेना लगाएको खाेप कार्ड र मास्क अनिवार्य गरेकाे छ ।
इलाका प्रशासन कार्यालय टीकापुरले पनि सेवाग्राहीलाई अनिवार्य रुपमा काेराेना विरुद्धको खाेप लगायकाे खाेप कार्ड अनिवार्य गरेकाे छ । इलाका प्रशासन कार्यालय टीकापुरले फाेन मार्फत सम्पूर्ण वडा कार्यालयलाई सिफारिस गर्दा खाेप कार्ड विनाको सिफारिस नपठाउन माैखिक परिपत्र जारि गरेकाे छ ।
सार्वजनिक ठाउँमा कोरोनाविरुद्धको खोप कार्ड अनिवार्य गर्ने सरकारी निर्णय शुक्रबारदेखि लागू भएको छ । सरकारी नियमअनुसार अब कार्यालय, होटल, रेस्टुरेन्ट, सिनेमा हल, रङ्गशाला, हवाई यात्रा, पार्कजस्ता सार्वजनिक ठाउँमा जाँदा खोप लगाएको कार्ड वा कार्डको फोटो देखाउनुपर्नेछ ।
शुक्रबार देखि लागू हुने गरी सरकारले यो नियम लगाउने निर्णय गरेलगत्तै खोप लगाउनेहरुको सङ्ख्या बढेको छ । तर सरकारले खोप केन्द्रमा भिड व्यवस्थापन गर्न सकेको छैन । सार्वजनिक ठाउँमा खोप कार्ड बाध्यात्मक बनाउँदा धेरैजना खोपको दायरामा आउने भए पनि कार्यान्वयनमा जटिलता देखिने विज्ञहरुको भनाइ छ ।
