टीकापुर/नागरिक उन्मुक्ति पार्टीले सुदूरपश्चिम प्रदेशमा नयाँ गठबन्धनलाई समर्थन गर्ने निर्णय गरेको छ । नागरिक उन्मुक्ति पार्टी अध्यक्ष रञ्जिता श्रेष्ठको अध्यक्षमा बुधबार टीकापुरमा बसेको संस्थापक केन्द्रीय सदस्य र सांसदहरुको बैठकले नयाँ गठबन्धनलाई समर्थन गर्ने निर्णय गरेको हो ।
नागरिक उन्मुक्ति पार्टीका संस्थापक केन्द्रीय सदस्य तथा टीकापुर नगरपालिका नगर प्रमुख रामलाल डंगौरा थारुले बुधबार बसेकाे संस्थापक केन्द्रीय सदस्यले गरेकाे निर्णय अनुसार नयाँ गठबन्धनसँग वार्ता गर्ने र सोहीअनुसार सुदूरपश्चिम प्रदेश सरकारलाई दिएको समर्थन फिर्ता लिने निर्णय भएको
सत्ती कर्णाली न्युजलाई जानकारी दिनुभयो ।
उहाँले सरकार संगकाे बार्ता पछि सुदूरपश्चिममा कांग्रेस सरकारलाई दिएको समर्थन फिर्ता लिने विषयमा टुंगोमा पुग्ने बताउनुभयो । नयाँ गठबन्धनमा नागरिक उन्मुक्ति पार्टीले मुख्यमन्त्री संगै केही मन्त्रालयको दावी गरेको छ । मंगलबार प्रचण्ड सरकारले नागरिक उन्मुक्ति पार्टीलाई सुदूरपश्चिम प्रदेश सरकारकाे नेतृत्व लिन आग्रह गर्नुभएको थियाे ।
नागरिक उन्मुक्ति पार्टीले सुदूरपश्चिम प्रदेशमा भाैतिक पुर्वाधार विकास मन्त्रालय, आर्थिक मामिला तथा याेजना मन्त्रालय संगै मुख्य मन्त्रीकाे दावि गर्दै आएको छ । त्यस्तै लुम्बिनी प्रदेशमा १ मन्त्री र १ राज्य मन्त्रीकाे माग गरेकाे छ भने केन्द्रिय सरकारमा १ मन्त्री संगै १ राज्य मन्त्री काे दावि गरेकाे समचार स्रोतले जनाएको छ ।
