धनगढी /धनगढीमा प्रथम-U21 राष्ट्रिय पुरुष तथा महिला खो-खो प्रतियोगिता सुदुरपश्चिम प्रदेश स्तरिय धनगढी उप महानगर पालिका वडा ३ त्रिभुवन माध्यमिक बिधालय बोराडाडीमा सप्पन्न भएको छ ।
समापन समारोहका प्रमुख अतिथिको आसन बाट बोल्दै सशस्त्र प्रहरी नायब महानिरीक्षक कुमार न्यौपाने ले अन्य खेलहरु जस्तै खो खो खेल नेपाल तथा अन्तर्राष्ट्रिय जगतमा खेल खेलिदै छ । यसअघि राष्ट्रिय र अन्तर्राष्ट्रिय स्तरको प्रतियोगिता आयोजना गरिए पनि सङ्घले यु–२१ उमेर समूहको प्रतियोगिता पहिलो पटक हो ।
प्रतियोगितामा महिला तथा पुरुष दुबै तर्फ लुम्बिनी प्रदेश प्रथम भएको छ भने पुरुष तर्फ दोस्रो सुदूरपश्चिम महिला तर्फ बाग्मती , तेस्रोमा पुरुषमा बागमती र महिला सुदूरपश्चिम भएका छन् ।
प्रतियोगिताको विजेता टोलीलाई २५ हजार, उपविजेतालाई १५ हजार र तेस्रो हुने टोलीलाई १० हजार रुपियाँ प्रदान गरिनेछ । यस्तै वेस्ट रनर र चेजरलाई १०/१० हजार रुपियाँ नगद पुरस्कार सहित प्रमाण पत्र दिएको थियो ।
प्रतियोगितामा कर्णालीबाहेक ६ प्रदेशका महिला र पुरुष टोलीको सहभागिता एक सय ४४ खेलाडी, २४ प्रशिक्षक र ६ जना टिम व्यवस्थापक गरी एक सय ७२ जनाको प्रत्यक्ष सहभागिता रहको सङ्घले जानकारी दिएको छ ।
नेपाल खो-खो संघका केन्द्रिय अध्यक्ष श्री प्रदिप महर्जन सभापतित्वमा भएको कार्यक्रम संचालन नेपाल खो खो संघका बरिस्ठ उपाध्यक्ष श्री छ्त्र बहादुर शाहीले गरेका थिए ।
कार्यक्रममा स्वागत मन्तव्य सुदुरपश्चिम प्रदेश खो खो संघका अध्यक्ष श्री कृष्ण बोहराले गरेका थिए ।
