त्यसै गरी दिउँसो भएको दोस्रो खेलमा पन्चकोशी युवा क्लब लम्की र बिहानी युवा क्लब भजनी बिच भएको थियो । जसमा पन्चकोशी युवा क्लबले ३ गोल प्रहार गर्दे बिहानी युवा क्लब भजनीलाई हराएको थियो । निर्धारित खेल समयमा बिहानी युवा क्लब भजनीले १ गोल फर्काउन सफल भएको थियो । उक्त खेलको म्यान अफ द म्याच पन्चकोशी युवा क्लब लम्कीका खेलाडी देवीराम मगर घोषित भए ।
आजै भएको दिउँसो तेस्रो खेलमा स्टार सिटी धनगढी र विजय स्पोर्ट्स क्लब धनगढी बिच खेल भएको थियो । जसमा विजय स्पोर्ट्स क्लब धनगढीले ३ गोल प्रहार गर्दे स्टार सिटी धनगढीलाई हराएको थियो । निर्धारित खेल समयमा स्टार सिटी धनगढीले गोल फर्काउन सकेन । उक्त खेलको म्यान अफ द म्याच विजय स्पोर्ट्स क्लब धनगढीका सन्दीप क्षेत्री घोषित भएका थिए ।
वैशाख २८ गते देखी सुरु भएको जिल्ला लिग ज्येष्ठ १२ गते सम्म सञ्चालन हुने छ । कैलाली जिल्ला लिग फुटबल सङ्घको आयोजना र घोडाघोडी क्लबको स्थानीय आयोजनामा हुने प्रतियोगिता सुखड रङ्गशालामा सञ्चालन भइरहेको छ । प्रतियोगितामा जिल्लाका ए डिभिजनका ७, बी डिभिजनका ६ र क्वालिफायर्सका ७ टिम गरी २० टिमको सहभागी रहेको छ ।
ए डिभिजन लिनको विजेता क्लबले ७५ हजार र दोस्रो हुने क्लबले ३७ हजार ५ सय पुरस्कार पाउने छन् । त्यस्तै बी डिभिजनको प्रथम हुने टिमले ५० हजार तथा दोस्रो हुने टिमले २५ हजार पुरस्कार पाउने छन् ।
