सुदूरपश्चिममा नाउपालाई मुख्यमन्त्री र भौतिकमन्त्री दिन शीर्ष नेताबीच ‘भद्र सहमति’

शेयेर गर्नुहोस


कैलाली /सुदूरपश्चिम प्रदेशमा नागरिक उन्मुक्ति पार्टीलाई मुख्यमन्त्रीसहित भौतिक पूर्वाधार विकासमन्त्री दिने विषयमा शीर्ष नेताहरूबीच सहमति भएको छ ।


नाउपा अध्यक्ष रन्जिता श्रेष्ठका अनुसार सुदूरपश्चिम प्रदेशमा मुख्यमन्त्री र भौतिक मन्त्री सहितको मन्त्रालय दिने विषयमा सहमति जुटेको हो । उक्त सहमतिमा प्रधानमन्त्री समेत रहेका माओवादी अध्यक्ष पुष्पकमल दाहाल प्रचण्ड, एमाले अध्यक्ष केपी शर्मा ओली र नेकपा एकीकृत समाजवादीका अध्यक्ष माधव कुमार नेपाल पनि सकारात्मक भएका छन् ।


सुदूरपश्चिम प्रदेशमा नागरिक उन्मुक्ति नयाँ सत्ता गठबन्धनको सरकार निर्माणमा निर्णायक भएपछि मुख्यमन्त्रीसहितका मन्त्रालय दिएर सत्ता गठबन्धनको सरकार बनाउने विषयमा सहमति भएको अध्यक्ष श्रेष्ठले बताइन् ।


‘पटक पटकको संवाद र छलफल पछि हामीलाई मुख्यमन्त्री र भौतिकमन्त्री दिने विषयमा शीर्ष नेताहरू सहमतिमा पुग्नु भएको छ ’ उनले भनिन्, ‘सुदूरपश्चिममा थारु मुख्यमन्त्री बनाएर उहाँहरूले पनि राम्रो सन्देश दिन खोज्नु भएको छ । ’
अध्यक्ष रन्जिता श्रेष्ठले शीर्ष नेताहरूसँग अन्तिम समयसम्म सुदूरपश्चिममा मुख्यमन्त्रीको दाबी राखेकी थिइन् । दाबी नछोडेपछि शीर्ष नेताहरू बीच भद्र सहमति भएको उनको बताइन् ।
‘हामीलाई मुख्यमन्त्रीसहित भौतिक मन्त्रालय दिने विषय टुङ्गियो’ उनले भनिन्, ‘सुरुमा राजबन्दी रिहा गरायौँ अब मुख्यमन्त्री लिएर हामीले जनता समक्ष गरेको बाचा पूरा गर्दैछौँ ।’
नाउपाले मुख्यमन्त्री पाउँदा कैलाश चौधरी मुख्यमन्त्री बन्ने छन् । उनलाई अध्यक्ष रन्जिताले केही समय अघि नै दलको नेता चयन गरेकी थिइन् ।यता सुदूरपश्चिम प्रदेशमा पनि नागरिक उन्मुक्ति पार्टी करिब सहमति नजिक पुगिसकेका छन् । उनीहरूबीच केन्द्रमा तयार भएको एमाले माओवादीसहितको सत्ता गठबन्धनमा जाने विषयमा करिब टुङ्गो लागेको हो ।
हिजो नाउपाका सांसदहरूबीच भएको पटक पटकको छलफलमा नयाँ सत्ता गठबन्धन जाने विषयमा करिब टुङ्गो लागेको छलफलमा सहभागी एक सांसदले जानकारी दिए ।
‘हामी पहिलो काङ्ग्रेससँगै रहने कि एमाले माओवादीको सत्ता गठबन्धनमा जाने भन्ने विषयमा अन्योलमा थियौँ ’ उनले भने ‘अब हामी नयाँ गठबन्धनमा जाने भन्ने विषयमा करिब प्रस्ट भएका छौँ ।’
उनले नयाँ सत्ता गठबन्धनमा सबै एकजुट भएर जाँदा आफूहरूले मुख्यमन्त्री पाउने र थारु समुदायबाट मुख्यमन्त्री बनाउने अवसर खेर फाल्न नहुने भन्दै सबै सांसदहरूबीच करिब सहमति जुटिसकेको बताए ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

शिक्षा/स्वास्थ्य

बालबालिका सम्बन्धी सरोकारवालहरू सँग अन्तरक्रिया कार्यक्रम सम्पन्न

सुखड/कैलालीको घोडाघोडी नगरपालिकाले बालबालिका सम्बन्धी सरोकारवालहरू सँग अन्तरक्रिया कार्यक्रम गरेको छ । पालिकाको महिला बालबालिका तथा समाज कल्याण उप–शाखाले वडा नम्बर १ देखी १२ सम्म

अझै पढ्नुहोस्
समाचार

काठमाण्डौमा कृष्ण जन्माष्टमी पर्व मनाउन विभिन्न तयारी समिति गठन

मोहित श्रीपाइली/काठमाण्डौमा कृष्ण जन्माष्टमी पर्व मनाउन विभिन्न समिती गठन गरिएकोे छ । भदौ २० गते परेको कृष्णजन्माष्टमी पर्वलाई साँस्कृतिक रुपमा भव्य र सभ्य रुपमा मनाउनका

अझै पढ्नुहोस्
शिक्षा/स्वास्थ्य

कर्णाली मा.वि.काे सामाजिक परिक्षण प्रतिबेदन सार्वजनिक कार्यक्रम सम्पन्न

टीकापुर/टीकापुर -१ स्थित कर्णाली माध्यमिक विद्यालयकाे सामाजिक परिक्षण प्रतिबेदन सार्वजनिक कार्यक्रम तथा अभिभावक भेला सम्पन्न भएको छ । मंगलबार विद्यालयले आर्थिक वर्ष २०७७/०७८ काे सामाजिक

अझै पढ्नुहोस्
पर्यटन

डेढ वर्ष बितिसक्दा पनि गठन भएन पर्यटन विकास बोर्ड

जमुना न्युरे,सुखड / कैलाली जिल्लाको घोडाघोडी नगरपालिकामा स्थानीय निर्वाचन भएर नयाँ जनप्रतिनिधि आएको डेढ बर्ष बितिसक्दा पनि गठन हुन सकेन । बृहत घोडाघोडी ताल तथा

अझै पढ्नुहोस्