जमुना न्युरे,
सुखड/कैलालीमा एक विद्यालयको नाम जोडेर वन बाट अवैध काठ तस्करी गर्ने गरेको पाइएको छ ।
जील्लाको घोडाघोडी नगरपालिका–८, तरानगरमा रहेको राष्ट्रीय माध्यमिक विद्यालयको नक्कली लेटर प्याड प्रयोग गरि तस्करहरुले स्थानिय विभिन्न सामूदायीक वन बाट सहयोग बाफत काठ माग्ने र बेच्ने गरेको पाइएको छ । शुक्रबार स्थानिय जरही सामुदायीक वन उपभोक्ता समिति बाट ७ थान गोलीया लुकाइ छिपाइ ल्याउने क्रममा फेला परेपछि यो रहस्य बाहिरिएको हो । विद्यालयको सहयोगका नाममा जरहि सामुदायीक वनलाइ लेखिएको नकलि पत्रमा सोहि विद्यालयका विद्यालय व्यवस्थापन समितिका अध्यक्ष खगेन्द्र ठकुल्लाको हस्ताक्षर सहितको पत्र फेला परेको छ ।
तर काठ विद्यालयलाइ अवश्क पर्ने त हो, काठ कसरी आयो भन्ने विषयमा आफ्नो कुनै संगलनता नरहेको र आफुलाइ कसैले फसाउने नियतले यस्तो गरेको हुन सक्ने विद्यालय व्यवस्थापन समितिका अध्यक्ष ठकुल्लाले बताए ।
विद्यालयले अघिल्लो वर्षमा पनि यसै गरि जरहि र स्थानिय अन्य सामुदायीक वन बाट विद्यालयलाइ दुइ कोठे भवन र चर्पि निर्माण तथा बेन्च बनाउन काठ आवश्क परेको भन्दै लेखिएका पत्र समेत प्राप्त भएका छन् ।
हरेक वर्ष यसरी नै विद्यालयका तथा अन्य सामाजिक कार्यका लागी भन्दै स्थानिय सामुदायीक वन बाट काठ संकलन गर्ने र बिक्री गर्ने गिरोह रहेको स्थानिय बताउन्छन् ।
सामाजिक कार्यका लागी भन्दै काठ विद्यालयले तथा अन्य संस्थाले माग्ने गरेको तर जुन प्रयोजनका लागी काठ मागीएको हुन्छ । त्यसमा नगएर बाहिरनै लुकाउने र बेच्ने गरेको पाइएको जरहि सामुदायीक वनका अध्यक्ष बिर बहादुर साउदले बताए ।
“शुत्रबारको घटनामा पनि विद्यालय र अन्य दुइ सामाजीक संस्था बाट यस अघि पत्र आएको थियो । तर आफुहरुले लिखित रुपमा दिन नमिल्ने हुदा व्यवहारिक हिसाबले मिलाएर लग्न बताएको थिए । काठ पुग्नु पर्ने ठाँउमा नपुगेर अन्तै लैजान खोजेका रहेछन् ।” सो बरामद गरिएको काठ अहिले साडेपानी सव–डिभिजन वन कार्यालयको नियन्त्रणमा रहेको र संगलन व्यक्तिको खोजी भैरहेको सब डिभिजन बन साडेपानी प्रमुख गौचरण चौधरीले बताए ।
यो वर्ष काठ मागको लागी राष्ट्रीय माध्यमिक विद्यालय तरानगरले कुनै पनि सामुदायीक वनलाइ आफ्नो विद्यालय बाट पत्र नगएको विद्यालयले बताएको छ । तर काठ सहयोगका लागी भन्दै लेखिएको पत्रमा विद्यायलयको लेटर प्याड प्रयोग भएको विषय अहिले चर्चामा रहेको छ ।
