धनगढी/ धनगढी उप–महानगरपालिका वडा नं ६ कि सुग्घर चौधरी मंगलवार ५ बिड्की (मुठा) सालको पात बेच्नलाई त्रिनगर हाट बजारमा बसेकी थिईन । दिनभरी हाटबजारमा बस्दा पनि एक मुठो सालको पात बेच्न नसक्नुको पिडा त छदै थियो त्यो भन्दा बढी धनगढी उप–महानगरपालिकाको ठेकेदारलाई बेलुकी कर कहाँबाट बुझाउने भन्ने चिन्ता थियो ।
पात बेचिएपनि नबेचिएपनि धनगढी उप–महानगरपालिकालाई कर बुझाउनै पर्छ चौधरीले भनिन्,‘कहिले त कर बुझाउन घरबाट पैशा बोकेर आउनुपर्छ ।” एक मुठो सालको पात मुस्कीलले ५० रुपियाँमा बेच्न सकिन्छ चौधरीले भनिन्,‘ त्यो पनि श्राद्ध, पुजाआजाको समयमा बेचिने हो । ” जंगलमा गएर पात खोज्न निकै सयम खर्च गर्नुपर्छ त्यो पनि बेचिदैन धनगढी उप–महानगरपालिकाले अव पात बेचेर पनि खान नदिने भयो उनले पिडा सुनाईन ।
उप–महानगरपालिकाले सालको पात हाट बजारमा लगेर बेचेमा दैनिक ३५ रुपियाँ कर लिने गरेको छ । जो मासिक रुपमा बेचेमा १ हजार ५० र बर्षिक रुपमा १२ हजार ६ सय हुन आउँछ । धनगढीले सालको पात बेच्ने, साईकलमा तरकारी बेच्ने लगायत सामान्य काम गरेर छाकटार्नेहरुबाट पनि चर्को कर अशुली रहेको गुनासो आईरहेको छ । धनगढी उप–महानगरपालिकाका राजश्वशाखा प्रमुख योगेन्द्रबहादुर चन्दले हाट बजारमा कारोवार गर्नेबाट बहाट बिटौली कर बाफत कर लिने गरेको बताए ।
