सत्ति / टीकापुर ७ स्थित सत्ती कर्णाली सामुदायिक वन उपभोक्ता समूहको अध्यक्षमा जितराम चौधरी निर्वाचित हुनु भएकाे छ ।
शनिबार भएको मतदानमा उनले ५३३ मत ल्याउनुभएकाे छ भने उनका प्रतिस्पर्धी शेर बहादुर ठकुल्लाले ३५३ मत प्राप्त गर्नुभएकाे थियाे । त्यसैगरी चौधरी प्यानलका उपाध्यक्ष मन्जु चौधरी ४८० मत ल्याई विजयी भएकी छन भने उनका प्रतिस्पर्धी कला धामीले ३३० मत ल्याउनुभएकाे छ ।
त्यस्तै कोषाध्यक्षमा अस्मिता ठकुल्ला ५१९ मत ल्याइ विजयी हुनुभएको छ । भने उनका प्रतिस्पर्धा राधा जिसीले ३११ मत ल्याइन् । सहसचिवमा मोहन रावल ५२२ मत सहित विजय भएका छन् । सहसचिवका उम्मेदवार ओमलाल सुनारले ३०७ मत ल्याए भने सचिवमा रामकृष्ण चौधरी निर्वाचन अघि नै निर्विरोध निर्वाचित भैसकेका थिए ।
त्यसैगरी सदस्यमा ठकुल्ला प्यानलका साविक धनसिंहपुर गाविस वडा न २ चेतना नेपाली, सेतबहादुर साउँद, गंगा बिक विजयी भएका छन् । नारायणपुर ८ बाट गायत्री देवी स्वाँर, जसु देवी बिष्ट, सन्तोष नेपाली विजयी भएका छन् ।
साविक नारायणपुर ७ बाट साधुराम चौधरी, दिलकुमारी पुन विजयी भएका छन भने नारायणपुर ५ का प्रेमलाल श्रेष्ठ र जानकी चाैधरि यस अघि नै निर्विरोध चयन भएका छन् ।
