जमुना न्युरे/नेपाली काँग्रेसकी केन्द्रीय सदस्य डा. जीवन रानाले संस्कृति जोगिए मात्रै पहिचान जोगिने बताएकी छन् । नेपाल राना थारु युवा समाजले बुधवार काठमाण्डौमा आयोजना गरेको तिज मिलन तथा झुण्की पुहान कार्यक्रममा बोल्दै सो कुरा बताएकी हुन् ।
‘हाम्रो संस्कृति निकै धनी छ हामीले यसको जगेर्ना गर्नु जरुरी भएको छ’ डा. रानाले भनिन्–‘अब यो जिम्मेवारी नयाँ युवाको काँधमा आएको छ ।’ कैलाली कञ्चनपुरका मूलवासी रहेका राना थारुले काठमाण्डौमा पनि साउनको तिज मनाएका छन् । संस्कृति र परम्पराले एक अर्कालाई जोड्ने काम गर्छ यसमा सबैले हातेमालो गरी अगाडी बढ्न जरुरी रहेको उनले बताइन् ।
अहिले सबैको संस्कृति लोप हुन लागेका बताउँदै डा। रानाले थोरै सङ्ख्यामा रहेका आफ्नो समुदायको संस्कृति जगेर्ना गर्न सबै एकजुट हुनुपर्ने धारणा व्यक्त गरेकी छन् । आफू विद्यार्थी समयमा काठमाण्डौ थोरै संख्यामा राना थारु विद्यार्थी रहेको स्मरण गर्दै उनले अहिलेको सहभागिताले आफ्नो समाज पनि मूलधारमा आउन लगेकोले गौरब महशुस भएको बताइन् ।
