शैक्षिकसत्र सुरु भएको नौ महिना सम्म धनगढीका बिद्यार्थीले पाएनन् पाठ्यपुस्त

शेयेर गर्नुहोस

दिपक बम, धनगढी । कैलालीको धनगढीमा शैक्षिक सत्र सुरुभएको नौ महिना बितिसक्दा समेत बिद्यार्थीहरुले पाठ्यपुस्तक पाएका छैनन् । आधारभूत तह (कक्षा १ देखी ८ सम्म) पढाई हुने स्थानीय बिषय अन्तरगतको“हाम्रो धनगढी”नामक पाठ्यपुस्तक हाल सम्म पनि नपाएका हुन् । बिद्यार्थीको हातमा नौ महिना सम्म पनि पाठ्पुस्तक नहुँदा पठन–पाठनमा समस्या भईरहेको सामुदायिक तथा निजी बिद्यालयहरुले गुनासो गरेका छन् । धनगढी उप–माहानगरपालिकाले स्थानीय बिषय “हाम्रो धनगढी”को पाठ्क्रम लागु गरे पनि पाठ्यपुस्तक नहुँदा बिद्यार्थीको गृहकार्य देखि लिएर पाठन–पाठनमा समस्या भएको सामुदायिक तथा निजी बिद्यालयहरुको भनाई छ ।


पाठ्यपुस्तक नपाउँदा बिद्यार्थी र शिक्षकलाई सो बिषयको पठन–पाठनमा समस्या भएको त्रिनगर माद्यामिकका स्थानीय विषयका शिक्षक कलम बमले गुनासो गरेका छन् । उनले पाठ्यपुस्तक नहुदा हरेक कुरा कक्षा कोठामा लेखाएर पढाउन समस्या भइरहेको बताए । पाठ्यपुस्तक विद्यार्थीको हातमा नहुँदा पठन–पाठन गर्न असहज भइरहेको त्रिनगर माद्यामिक विद्यालयका प्रधानाध्यापक भुपाल खड्काले बताए । उनले पाठ्यक्रमलाई आधार मानेर शिक्षकले पढाइरहेको भए पनि विद्यार्थिहरुलाई गृहकार्य गर्न समस्या भईरहेको बताए ।


उप–महानगरपालिकाले पाठ्यपुस्तक तयार पारेर अर्को शैक्षिक शत्रबाट पठन–पाठन गाराउदा पनि हुन्थ्यो उनले भने,“उपमहानगरले पाठ्यक्रम बनायर पठायो त्यसले पठन–पाठनमा समस्य भइरहेको छ ।” आउँदो वार्षिक परिक्षा अगावै विद्यार्थीको हातमा पाठ्यपुस्तक भए वार्षिक परिक्षमा सहज हुने प्रधानाध्यापक खड्काले बताए । उनले उप–महानगपालिका तथा शिक्षा शाखालाई पाठ्यपुस्तक विद्यार्थीको हातमा पुर्याउन माग समेत गरेका छन् ।


“हाम्रो धनगढी”नामक स्थानीय विषयमा पाठ्यक्रमका अध्यपन गराउदा विभिन्न विद्यालयका शिक्षकको फरक ज्ञान र अनुभवले परिक्षाको प्रश्नपत्रमा विद्यार्थीको उत्तर फरक हुन जाने शारदा माद्यामिक विद्यालयका शिक्षक हरिभक्त भट्टले बताए । पाठ्यपुस्तक निर्माणमा उप–महानगर गम्भिर नभएको उनको आरोप छ ।धनगढी उप–महानगरमा विज्ञ व्याक्ति नभएका होइनन् उनले भने, “स्रोत साधनको अभाव पनि छैन तर पाठ्यपुस्तक निर्माण गर्ननसक्नु धनगढी उप–महानगरको कमजोरी हो ।”
सामुदायिक विद्यालयहरुले पाठ्यक्रमका आधारमा कक्षा १ देखी ८ सम्म पठन–पाठन गराए पनि निजी स्तरका केही विद्यालयहरुले कक्षा ८ मा मात्र पढाइरहेका छन् । पाठ्यक्रम बनाएको छ तर त्यसमा कति सम्म पढाउने र के–के पढाउने? भनेर यकिन नहुँदा नगर स्तरिय परिक्षालाई मध्यनजर गरी कक्षा ८ मा मात्र पढाउने गरेको हिमाल एकेडेमिकी प्रिन्सीपल माया सर्माले बताईन् ।


शैक्षिक शत्र सुरु भएको नौ महिना वितिसक्दा पनि पुस्तक नपाउदा पढ्न निकै समस्या भएको पञ्चोदय माद्यामिक विद्यालय कक्षा आठमा अध्यनरत विद्यार्थी हिमान्सु विष्टले बताए । शैक्षिक शत्रको दोस्रो अर्धवार्षिक परिक्षा दिइसक्दा पनि पुस्तक नपाएको गुनासो गरे । शिक्षकले दिएको गृहकार्य गर्न निकै समस्या हुने गरेको कक्षा आठमा अध्यनरत विद्यार्थी रुपेश शाहले बताए । उप–महानगर स्तरीय वार्षिक परिक्षा नजिकिदै गर्दा पुस्तक नहुदाँ पढ्न गाह्रो भएको उनको भनाई छ ।

पाठ्यपुस्तक लेखनका लागी उप–महानगरपालिकाले तिन पटक सूचना निकाल्दा कसैको दरखास्त नपरेको धनगढी उप–महानगरपालिका नगरप्रमुखको सचिवालयले सत्तिकर्णाली अनलाइन लाई बताएको छ । उप–महानगरपालिकाले पहिलो सूचना २०८० भाद्र ६ गते प्रकाशित गरेको थियो । पहिलो सूचनामा दरखास्त नपरेपछि असोज महिनामा दोस्रो सूचना प्रकाशित र तेस्रो पटक मंसिर ७ गते फेरि सूचना प्रकाशित गरेको थियो ।

तेस्रो पटक सूचना प्रकाशित गर्दा कसैको दरखास्त नपरेपछि पुनः शिक्षकहरुबाट समिति बनाएर काम पाठ्पुस्तक निर्माणको काम भैरहेको उप–महानगरपालिले जनाएको छ । आउदो शैक्षिक सत्रको सुरुमा नै पाठ्यपुस्तक प्रकाशन गरिसक्ने नगर प्रमुखको सचिवालयले जानकारी दिएको छ ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

राजनीति

नागरिक उन्मुक्ति पार्टीको जानकी-३ मा प्रथम वडा भेला सम्पन्न

माेहित श्रीपाइली,जानकी/नागरिक उन्मुक्ति पार्टीको जानकी गाउँ पालिका वडा नं. ३ काे प्रथम वडा भेला तथा वडा समिति गठन गरिएको छ । शुक्रबार कैलालीको जानकी गाउँ

अझै पढ्नुहोस्
राजनीति

स्थानीय निर्वाचनमा टीकापुरमा १५ वटा मतदान स्थल, ५२८७२ मतदाता

टीकापुर/टीकापुर नगरपालिका वडा नं. १ मा २ वटा मतदान स्थल र २१ वटा मतदान केन्द्र रहेका छन् । वडा नं. १ मा खड्ग स्मृति माध्यमिक

अझै पढ्नुहोस्
समाचार

भजनीकाे कुसुमघाटबाट लागूऔषध सहित २ जना पक्राउ

भजनी/ कैलालीको भजनीनगरपालिकाकाे कुसुमघाटबाट दुई जना लागुओैषध सहित दुई जना पक्राउ परेका छन् । भजनी नगरपालिका-३ कुसुमघाटबाट २ ग्राम ७ सय ६० मिलिग्राम अवैध लागूऔषध

अझै पढ्नुहोस्
समाचार

हिमानि काेषले गर्याे कैलालीको टिकापुरका २७२ जना विद्यार्थीलाई कपडा वितरण

सत्ति / टिकापुर नगरपालिका वडा नम्बर ७ बैदि स्थित जनता राष्ट्रिय माविका विद्यार्थीलाई आज एक कार्यक्रमका बिच कपडा वितरण गरिएको छ ।कपडा वितरण कार्यक्रमका प्रमुख

अझै पढ्नुहोस्