टीकापुर/ कैलाली लगायत सुदुरपश्चिमका अधिकांस क्षेत्रमा बाढी पछि दुर्गन्ध फैलिएको छ ।
बाढी तथा डुवानका कारण धानवालि लगायत अन्य अन्नपात भिजेर कुहिदा बाढीपीडित क्षेत्रमा दुर्गन्ध फैलिएको हाे ।
अन्नपात कुहिदा दुर्गन्ध फैलिए संगै विभिन्न राेगहरु फैलन सक्ने सम्भावना देखिएको छ ।
स्वास्थ्यकर्मीका अनुसार यस्तो अवस्थामा छाला सम्बन्धि विभिन्न राेगहरु, श्वास प्रश्वास सम्बन्धि राेगहरु जस्तै रुघाखोकी, सर्दी जुखामका समस्याहरु देखिन सक्ने सम्भावना बढी हुन्छ ।
खानेपानी समेत दुर्गन्धित भएकोले पेट सम्बन्धित बिभन्न राेगहरु जस्तैः झाडापखाला, आउपर्ने तथा पेट दुख्ने जस्ता समस्या देखिन सक्ने भएकोले सतर्कता अपनाउन स्वास्थ्यकर्मीकाे सुझाव रहेकाे छ ।
त्यसैले बाढीपीडित क्षेत्रमा स्थानीय सरकार, संघ संस्थाहरुले राहत दिदा शुद्ध खानेपानी लगायत सम्भावित ओैषधीहरु तथा स्वास्थ शिविर सन्चालन गर्न आवश्यक देखिन्छ ।
